الله يبعد ردي النفس عن دربي=وانا عديم المروه باحذر دروبه
اللي على اهل المراجل ينفخ الذربي=ويذمهم والمراجل منه مسلوبه
اليا لقا فرصتن بادر وعيربي=وانا عجزت اعدله واحترت باسلوبه
اسايرهل ثم يرجعلي ويغدربي=وفي كل عامن ياناس يزيد عذروبه
قررت عنه ابتعد واقطع عنه قربي=وانساه واليا ذكرلي قلت والكوبه
والله لو ان زادي عنده وشربي=ماجيه لوان بقعا بدلت ثوبه
والعاقل اللي يدور صاحبن ذربي=يشيل عنه الهموم ويبري صيوبه
في خوته مايشوف الضيق والكربي=يدرا خويه ويعرف ويش مطلوبه
حرن على الطيب دايم باول السربي=وعلى الردى والخنا يمناه مقضوبه

المشاركة الأصلية كتبت بواسطة ابو عابد السليمي (المشاركة 695947) الله يبعد ردي النفس عن دربي=وانا عديم المروه باحذر دروبه اللي على اهل المراجل ينفخ الذربي=ويذمهم والمراجل منه مسلوبه اليا لقا فرصتن بادر وعيربي=وانا عجزت اعدله واحترت باسلوبه

صح لسانك يالسليمي

وبيض الله وجهك

على هذه القصيده الرائعه