( البنت تعشق كل فارس ورجّال=واهل المراجل تنعشق واتّعشّق )

/
/
/
/
/
/
/
/
/
/
/
/
/

البنت تعشق كل فارس ورجّال=واهل المراجل تنعشق واتّشفّق
ولاتقول انا حبّيت قدّام لايحال=بينك وبين النّوم حاجز محقّق
والزّاد بعدك عنه يبري لك الحال=وان شاف حالك من يعزّك ترقّق
وحتّي يصيبك تالي الليل تجوال=اتجول كنّك ذيب يسري ملحّق
ويلومك اللي همّه ايلمّ الاموال=ولاّ بليدٍ يستهان ويصفّق
يضحك على حالك وينهاك بامثال=وانته فصدرك نار منها تحرّق
درب المحبّه غالباّ ذلّ واذلال=واللي تجنبها تراه الموفّق
وطبع الهوى يجمع متاهه وغربال=خذها من مجرّب قبل لاتعلّق
اللي لقيته فالهوى صعب ينقال=ولو ينحكى للنّاس صعبٍ يصدّق
اهوال مرّت بي تصيبك بالاهوال=شفت الخطر ماكنت اضنّه ينتّق
فيه المكايد والنّميمه بالانذال=اللي على نقل الخبر ماتوثّق
مابه مسرّه لو بدا يفرح آمال=فيه الاسى ظهر السّعاده ملزّق
ياقو حزنه لاحصل فيه ترحال=وشدّة عناه بوصل يصعب يحقّق
تقتل به الغيره وتدفعك لجدال=يالين ثوب الودّ منك ايتشقّق
من حرصك الزّايد على رغبة البال=يمكن تصرف بامر فيه اتّوهّق
وان حاش ودّك غيرك وراح يختال=برضاه ولاّ غصب اصبح مرفّق
يمكن تصرّف بامر ماهو لعقّال=فيه النّدم والدّمع منك ايتدفّق
هذي قصيده توجز الشّرح فالحال=والعلم فيها صدق ماهو ملفّق
وان طعتني لاتصير للودّ ميّال=واقسى على قلبك لاشفته تشفّق

الشّاعر / خالد بن عبيد بن معتوق ألأحمدي

الشّاعر / خالد ألأحمدي

صح لسانك وعتلا شانك

اقسى على قلبك لاشفته تشفق
مدري نقدر ولا لا هههههههه
ياسلام ياسلام
صح الله لسانك يالغالي
كل الود

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح لسانك يافارسنا الباسل معودنا على الجزاله

الغالي
/ سعد المحمدي
صح بدنك
وتشكر على مرورك العطر
يابو عبدالله