شوف السراب ليابس الكبد يضمي

مشاركة جميلة وقصيدتين رائعتين اوردهما الاخ صقر المراقيب

اعجبتني قوافيها ولم اتمالك نفسي من الرد عليهما ولقد عملت لهما نسخ

لكي تكتمل فكرة الرد والمجاراة ارجو للجميع اطيب الاماني


اخواني الكرام هذه القصيده وصلتني ليلة البارحه من اخوي الشاعر القدير

/ نايف بن غانم الحبلاني ( شاعر الحدث )

وانقلها لكم مع الرد واتمنى بأن تنال ‘عجابكم


بدع الشاعر / نايف بن غانم الحبلاني ( شاعر الحدث )

الله على اللي خصرها شبر واشوي = وماجاوره بالعكس صعب اصتدامـه
بنت ٍ صغيـره ماقـدر وصلهـا حـي = ولا راجعت تشكي حسـوس لسلامـه
ماطبـهـا المحـجـام والفـكـس والـكــي = مـن نسـل خاشقجـي عليهـا عـلامـه
اسم امها سوزان واسـم اختهـا مـي = وحـتــى بجـدتـهـا تـشــوف الـوسـامــه
ماحوّمت بالحمض واغراب واعطي = ولا قـيّــلــت مـــــع ربـعــهــا بـالـثـمـامـه
مصـيـافـهـا مـابــيــن لـبــنــان ودبـــــي = ومـابـيـن قـبــرص وانـقــره والـمـنـامـه
حـلـيـمــه وهـيــفــا مـعــاهــا ولا شــــــي = حــلـــوه وبـطــرانــه وهــيــبــه وقـــامـــه
ياصاحبـي لاتـقـول لالا مـاهـي هــي = هـــذا هــــوى بــالــي وغــايــة مــرامــه
والا السعـوديـه لـهـا بـالـدجـى ضـــي = شـمـعـه ومـصـدرهـا الـوفــا والـكـرامـه
هجوس سرّتنـي وانـا بخاطـري شـي = وارجــوك لاتلـحـق هجـوسـي مـلامـه

واليكم
الرد
من الشاعر / خالد بن عبيد بن معتوق ألأحمدي

الله عـلـى خـطّـك وصـــف زيـــن بـضـبـي = يـاشــاعــر ٍ يــطــلــب نــفــسّــر حـــلامـــه
توصف لي المجمول في وصف بوسي = ولاّ تــلـــمّـــح لـــــــــي بـــفـــاتـــن حـــمـــامـــه
خذهـا نصيـحـه مــن قـبـل تنـطـوي طــي = الــــــود لاتـــحـــرق ضــمــيـــرك ســهــامـــه
انت بدوي ضاري علـى الشمـس والفـي = وتسـري عـلـى مقـصـدك وقــت الجهـامـه
دور مـــع الـبــدوان عــــن زيــــن مــغــري = الــلــي نـظـامــك مـنـطـبـق فـــــي نـظــامــه
واعـــرف تـــرى بـالــود شـيـطــان مــغــوي = وميلـك علـى الحـضـران يحـسـب هيـامـه
مـلـبــوســك الـمـعــتــاد مـــاهـــو لـــهـــم زي = تــجــبــرك يــانــايــف تـــطــــش الـعــمــامــه
وان ودتـــــــك لــبـــنـــان ودتــــــــك لــلـــغـــي = مـاشــوفــهــا يـــاخــــوك ديــــــــرة زعــــامــــه
دار الــزعــامـــه بــالــعـــرب ديــــرتــــي ذي = شــعــب وحـكـومــه نـشـتـهــر بـالـصـرامــه
وان كـان هاجوسـك سـرت سبّـة اصـبـي = عــــزي لـمـثـلــك مـبـتـلــش فـــــي غــرامـــه

ردي ومجارتي للقصيدة الاولى

يا اللي على عد الهوى تارد المي=أحذر رشاكم ينعقد بالمقامه
لاتحسب انك من على العد تروي=نبعن قراح مثل وبل الغمامه
شوف السراب ليابس الكبد يضمي=مثلك حكيم الرأي راعي فهامه
مالك ومال اللي من الحب مبلي=اللي تجرع فى غرامه ندامه
الحب جرحن بين الاضلاع مخفي=جاري مع عروقه وكاسر عظامه
لايخدعك نور القمر حيل مضوي=لو أكتمل بدره بغاية تمامه
أصله حجارة نورها دوم مطفي=لولا أنعكاس النور طول ظلامه
ان كنت للجيزه على العرف ناوي=جود رسن قلبك وأمسك زمامه
ماضنتي مثلك عارف ويخطي=خل اختيارك من بنات الشهامه
بنت الجزيره يافتى مالها زي=خطو الهنوف اللي رفيعن مقامه