كسرات رائعة محاورة

الشاعر احمد سلامه
للشاعر الكبير عايد
يسعد لياليك وأيامــــــك = ياعندليب الفرح والقيل
وتحصّـل الأنس قدامك = دايم يبرالك نهار وليـل
رد الشاعر عايد
جانا وفاء رغبة أقلامك = اللي لها عندنا تجليل
من رغبة القلب وأعلامك = الله يحقق لكم ماقيل

وجّـه الشاعر ناصرللشاعر الرحال عايش صالح الأحمدي

يامجربين الغرام أعوام = والبعد أصبح لكم عادي
شوقي على ساكن الدمام = شوقك على ساكن الوادي
رد الشاعر عايش
منهو عليه الفراق إلــــــزام = ماله عن الصبر مشرادي
وبالبعد لو طالت الأيـــــــام = لابد للحــــــــي ميرادي
للصين راحو ولاقصى الشام = كلن له أهداف ومرادي
وعادوا من العلم ناس عظـام = ومن الفضاء عاد روادي

وجّـه عايش الأحمدي كسرة للشاعر الكبير بنيه العروي
ماعاد باقي كثر مــاراح = من العمر هاف ثلثينــــه
راح وكله ألم وجــــراح = مايـــــــــوم قلت يازينـــه
قضيت عمري تعب وكفاح = كل الذي راح فسنينــــه
واليوم جهدي وعزمي طاح = والحال ماهي معي زينة
والجرح مــا زال والجراح = فالقلب تلعب سكاكينـــــه
جاثم وعيا عنه ينزاح = يذبح ويسلخ على دينـــــــه
كيف أتمكن معه وارتاح = والقلب في نار كاوينــــــه
وأعيش باللي بقا مرتاح = العمر من جور شاكينـــــه

رد الشاعر الكبير بنيّه العروي الجهني على عايش

ياعايش القيل له مفتاح = والكل يعرف قوانينه
وين السلام الذي ينباح = بين العرب في موازينه
هذا عتب ود فيه ايضاح = أما الوفاء منك محرينه
منته برد التحيه شاح = حصل سهو في ميادينه
لاشي يبقى على مالاح = يوم حلو ويوم ياشينــــه
مادام مكتوب في الألواح = يمضي علينا وراضينه
والصبر للطيبين سلاح = والسعي مطلوب في حينه
لابد ماتشرق الأصباح = والقلب يلقى مودينــــــــه





وجّـه الشاعر عيد دخيل الله هذا الهجيني للشاعر الكبير بنيه العروي الجهني

مرسول مني لبو خالد = الله يسعد لك الأوقات
ياشهم في المعرفه رايد = نرجوك لاتطول الغيبات
عن فاحش القول متباعد = بالصدق تشهد لك الجولات
ماضن مثلك يجي واحد = في جيلنا يحسن القالات
رد بنيه العروي
مرسولكم صدر الوارد = اللي موجه لنا بالذات
شكراً على طيبك الزايد = اللي منزه عن الغايات
أنا على الخط متواجد = عندي لاسلكي وسماعات
ماني كما الناكر الحاسد = اللي لنا سبب الفرقات

من ذكريات الماضي أبيات ود
يامحمد الجو فيه أصـــــدام =عطني فكر فيه في حله
رحت اليمن والغضي فالشام = أجوز ولاّ أتوصـــل ـله
الرد
هذي فنون الحياة أقسام = ولا ينفرق خل عن خله
ولا يوجب كفة الأقدام = ياتيك ولاّ أنت ترحل له
هذه كسره معبرة عن نفسها
عندي قضية بموجب صك = وصورة الصك رسمية
كيف أنسجن والخصم ينفك = وأحكام الإسلام شرعية

صاروخ وجّـه لنا بالميل = مدري سبب ايش غاراته
مدري موجه لنا تعديـــل = ولاّ خلل في مساراتــــــه
يقال أن شاب إبتلي بمرض خطير أجاركم الله وجميع المسلمين ودخل المستشفى وكانوا الأطباء يتحاورون بينهم في خطورة مرض الشاب باللغه الإنجليزية وهو يجيد للغه وهم لايعلمون عن ذلك وأدرك أنه سيتوفى وقال هذه الأبيات
تسعه أطباء أتو ليّـــه = في طب معالج الأجــــراح
إتشاورو ونظروا فيه = وقالوا واخسارة شبابك راح

كسرة يقال انها من .......
عديت الأصحاب ولياهـم = مليون واحد وعشر ألاف
جاني زماني وصفاهــــــم = ولياهم ثلاثه على مهياف
يقول
مرّيت محميّة الحـرّه = وأعجبني منظر الغزلان
بس الأفاعي لها جرّه = وأنا أتشاءم من الثعبان

يقال أنها لهلال الفاجر مايعرف الود كل من قال = ولا كل من قال يغني
الود يبغا رجل صبّـــار = أديب فوق الأدب فني
الرد
ذكـّـرتني بالهوى ياهــــــلال = ودموع الأعيان سالني
ماشوف أنا في الموده رجّـال = في جيلنا اليوم ماظني