تغشاني سحاب الهم واللهفه على لقياك

مساكم الله بالخير جميع
فـ البدايه احب اشكر القائمين على هالمنتدى
واضيف اني احب اشكر الاخ العزيز ابو روان
على اهتمامه وله مني كل التقدير والاحترام
الحقيقه اني بعد فتره الانقطاع تفاجأت في كلمه
كنت اشوفها دايم وما لقيتها
انا كنت اشوف تحت الاسم المستــــــعار
كلمه عضو ولقيتها مستبدله بكلمه شاعر
والتقه الكبيره اللى حصلت عليها منكــم
ومن الاخوان القائـــــمين على هالمنتدى
اسال الله ان يقدرنى على المحافضه عليها
وتحياتى للجميع
اقول :

تغشاني سحاب الهم واللهفه على لقياك =وخاوتني دموع العين بـ تال اليل وحداني
بهذا الحال من مده ونا ميت على روياك =ونا صابر على الايام وهمٍ بك تغشاني
الا يا منوتي وينك وش اللى صاير بدنياك= تروح وتبتعد عني ولا تسال عن العاني
ذبحني من غدا صوتك وصوره ظحكتك بـ شفاك=ذبحني شوقي الساطي على تبديد وجداني
واهيم بعالم الاحلام ادور بالورا ذكراك =عساها تزرع البسمه وانا في وسط خلاني
لانى من رحل حسك ونا باكي على فرقاك=ادور عن عناوينك واثرني ضاع عنواني
وخلاني اذا مرو سالني بعضهم وش جاك= سكوتي عقد حروفي وعقد حرفي لساني
اسج بنظرتي عنهم واصك الباب والشباك= واكابر لا حضر قاصي واجامل لا حضر داني
احس اني بديت ايئس واهج لصورتك وانصاك =واكسر صورة الوحده واسطر فيك ديواني
اجيب الحرف متنكس واحطه بالقصيده آك =واكمل شطرها الباقي مكمل وزنها آني
لاني لو كتبت لا كتبت الحرف افكر فيه لجل رضاك= ويجيني طوعا بلا كره ولا فكر بعصياني
يجيني فيك واتمكن وفي مثلك وفي شرواك =لأني صرت بك مجنون فبحرك صرت هيماني
حبيبي وينها ديارك حبيبي كيف انا بألقاك =حبيبي آه لو تدري وش اللي صار واشقاني
سهر هـ الليل عذبني ونا صابر وبستناك= ولا فكرت بغيابك اشيل الغير باحضاني
اخذت القلب من جوفي وحطيته على يمناك =وش باقي من الالام عذابن منك ما جاني
فديتك باللذي ولآ وباقي العمر لك يفداك =وانا تفداني الحسره ونار البعد تفداني
حبيبي لو نسيت انسى افكر يوم انا بأنساك =لانى لو نسيت بيوم تذكرني بك اشجاني
احبك واعشك وبجد اموت فغيبتك واهواك =لانى عازم الحربي وقالو عني العاني

وسلامتكم
العــاني

الله يعطيك الف عافيه يا العاني...

يامرحبا فيك اخوي العاني ونحن نشري الرجال ولا نشري الاسم
والحقيقه يهمنا كثيرأ الافصاح عن اسمك الحقيقي ولو ادرج في اخر القصيدة
مره او مرتين فقط
وصح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
ونتمنى لك التوفيق ...
اخيك ابوروان

صح لسانك واعتلى شانك اخوي العاني

بيض الله وجهك

حبيبي لو نسيت انسى افكـر يـوم انـا بأنسـاك
لانى لو نسيـت بيـوم تذكرنـي بـك اشجانـي
احبك واعشك وبجـد امـوت فغيبتـك واهـواك
لانـى عـازم الحربـي وقالـو عنـي العـانـي


الله الله

لله درك اخي عارف الحربي (العاني )

صح الله لسانك وبيض الله وجهك على هذا الابداع الرائع والمتميز

وتستاهل كل خير

والحقيقه اني لاحظة كلمه اعتقد ان الخطاء مطبعي

احبك واعشقك وبجـد امـوت فغيبتـك واهـواك

ويعطيك العافيه

ودمت ودام ابداعك

تقبل تحياتي

ودمت بخير

صح الساانك يالعاني

والله يعطيك العافيه

ننتظر جديدك وروعتك

صح لسانك....

صح الساانك يالعاني

والله يعطيك العافيه

صح لسانك يالعاني

وبيض الله وجهك على القصيدة الجزله والرائعه

الشاعر القدير / العاني

صح لسانك وبيض الله وجهك على هذه القصيده الرائعه
التي تستحق الإشاده والإعجاب
على مابها من إبداع


تقبل تحياتي