ردي على قصيدة الشاعر القدير محمد حمد اليوبي

هذه قصيدة الشاعر القدير محمد حمد اليوبي

لا يـا نـدا بسألـك وابغـى الصـراحـه=ولا يهـان باقـي ربعتـي عـزوة الـدار
ارتـاح لـك صـدري وزاد انشـراحـه=هيـا استمـع للـي تبـاريـه الافـكـار
محسـوب مثلـك مـن رجـال السماحـه=رجل يعد الحـق لـو صـار مـا صـار
قومـك هـل الطـالات للـعـز واحــه=عمـك وخالـك مـن رجاجيـلٍ اخيـار
لا يـا نـدا قلبـي حـواهـا جـراحـه=يبغـى يكـف النـار ...وسلاحـه النـار
لجلـه عضيـد الوقـت دمـه استبـاحـه=مـدري غـواه الوقـت ولا هـم اشـرار
صبـري نفـذ يومـه لـك السـر باحـه=رغمـه وعدنـي بالصبـر دون الاقـدار
لكـن تفـاجـئ بالعـنـا دون راحــه=واقفـى وخلانـي علـى جهـم الاكـدار
ياليتـهـا روحــي تــروح مـراحـه=ولاقاسـي الدنيـا بالافـكـار واحـتـار
مـاهـي بحسـبـه قابـلـه للرجـاحـه=صوب السهم يدمي على ويـن مـا شـار
لو بستمـر فالدرب..اخشـى المساحـه.!=مانـي مخاطـر لكـن الـدرب اخطـار
ولـو حـزت نفسـي مالقيـت الرباحـه=ودعت شيء.!! وشيء.!! ميليق بأحرار

وهذا ردي عليه امل ان يحوز على رضاه

اسأل وانا اجاوبك في كل راحه=وحدد سوالك لاجل نعرف ونختار
اجابة(ن)فيها بيان وفصاحه=تليق به واتليق بك ياابن الاحرار
ياشاعرن يبدي علينا ارتياحه=من طيبه الزايد ومن قلبه البار
الوافي اللي ماجهلنا نجاحه=بالعرف والمعروف وايضا بالاشعار
كل العلوم الغانمه له متاحه=دامه من رجال الوفاء واهل الكار
افعالهم بالطيب في كل ساحه=في عصرنا الحاضروفي ماض الادوار
ياشاعرن واجب علي امتداحه=رد الثنا لازم ولافيه معذار
ان كان قلبك مانفع به جراحه=ابشربدكتورن يداويه بأذكار
ويعطيك من عقب العلاج اقتراحه=يقولها لك ياولد سر واجهار
وان كان وقتك بادين باجتياحه=اصبر على ماصار والوقت دوار
ترى الصبر للرجل كنه سلاحه=ياابوحمد خلك على الوقت صبار
الصبرلابدك تعلق وشاحه=وتذوق كاسات الحلى بعد الامرار
وماراح طاح ولايهمك مطاحه=لوطاح من عينك بلاسابق انذار
جعله مارح اللي صفق في جناحه=وغابت عليه الشمس من عقب ماطار
يروح ذكره مع هبايب رياحه=وتنسى العنى ويصيرلك نوع تذكار
وافتح بصدرك للقصيد استراحه=واضرب متاهات الخلا تقل دوار
تبعد همومك نومة(ن)في براحه=وليا قبست النار مع وقت الاسحار
وان جاك همك جاه صبرك وزاحه=كما تزوح الليل كبسات الانوار
وطنش تعش تحت الامور المباحه=دايم سعيد وخشم عمار بالنار
والرجل مثلك ماتراجع كفاحه=مهما يكون الوقت قاسي وجبار
ياابوحمد مثلك بخيص بصلاحه=ماهو بحاجه للسوالف والاشوار
وان كان عادة حظك الانسداحه=الله هو اللي عالم ويش الاسرار