ماجور ياللي فالحنايا تعليت

07-12-10, 10:14 AM

ماجور ياللي فالحنايا تعليت = اضحى مقامك فوق مركزك سامي
انت الوحيد اللي لقلبي استحليت = من يوم عينك صوبت بالسهامي
اصبتني فالقلب لاكنك احييت = حبً في قلبي من قبل فالعدامي
مثل البدر نصف الشهر يوم طليت = أجليت عن عيني سواد الظلامي
ويامرحبابك كل ماجيت سليت = سيفك على همومي بكلمة سلامي
يفز لك قلبي ليا مني اوحيت = صوتك يضيع وش اقول فكلامي
ماغير اردد قول سبحان سويت = حوريةً تلبس عبايا ولثامي
في صورتك كل ماتمعنت سميت = بسم الله الرحمن بدرً تمامي
ياسيدي وش عاد باقي وخليت = فيك الحلى من هامتك للبهامي
الموت كل الموت كان انت فليت = جدايلك مثل اليالي العتامي
عينك كعين الحر ليا منكْ لديت = تسلب فؤادي وترتجفلك عظامي
ماني بخايف منك ولآ يوم ذليت = ويشهد على ماقول سلت حسامي
من زينكم رجفت عظامي ولاوعيت = لك الوله والشوق وكل احترامي
الصدر لك منزال والقلب لك بيت = واسمي على لسانك من احلى الأسامي
وياوجد حالي كان عني تخليت = تضحى لي الدنيا ظلام وعسامي
ماقدر على فرقاك لو يوم لثيت = الصدر يصبح من ولهكم حطامي
ارجوك ياخلي ليا منكْ اقفيت = لآ تترك جروحك تسبب الأمي
داوي جروحك كان في طبها ازريت = روحت في يدها وعلّي السلامي

07-12-10, 10:22 AM

فايز المحيسن

سلمه الله

صح صح صح السانك

وعلا شانك

قصيدة رائعة بروعة حضورك المشرف دوما

لاعدمناك يافايز

وبيض الله وجهك

تحيتي وتقديري

08-12-10, 01:40 AM


	المشاركة الأصلية كتبت بواسطة محمد عبدالله البدراني


	فايز المحيسن سلمه الله صح صح صح السانك وعلا شانك قصيدة رائعة بروعة حضورك المشرف دوما لاعدمناك يافايز وبيض الله وجهك تحيتي وتقديري

اخوي ابو عبدالله

لاخلى ولاعدم على مرورك الذوق

وبيض الله وجهك

صح بدنك

ياغالي ملياررررررررررر

وشكرا على مرورك الرائع

07-12-10, 10:55 AM

صح لسانك أخي فايز المحيسن على هذه الجزلة

ولكن هناك الكثير من الأخطاء الإملائية التي تغير المعاني إلى الضد

أرجو ملاحظتها

وعافاك الله ورعاك

08-12-10, 01:42 AM


	المشاركة الأصلية كتبت بواسطة بيان الصمت


	صح لسانك أخي فايز المحيسن على هذه الجزلة ولكن هناك الكثير من الأخطاء الإملائية التي تغير المعاني إلى الضد أرجو ملاحظتها وعافاك الله ورعاك