الدمع من عيني على بعدكم جف

بدون مقدمات اطرح بين ايديكم وتحت أنظاركم هذة الخاطره العابره لعل وعسى ان تحوز على الرضا والاستحسان......

راح الزمان اللي به العين تذرف=ياما أمطرت عيني وغيم سمايا
الدمع من عيني على بعدكم جف=جفت أدموعي ما بقاله بقايا
والجرح يبرأ والزمن ما توقف=عندك بداية قصتي والنهايا
ما فيه داعي تعتذر لي وتأسف=راح الزمان اللي كسبتم رضايا
وفر حلوفك لا تعذر وتحلف=ما أنت لنا غاية ولا أنت منايا
قم و توايق داخل القلب قم شف=ما فيه من ذكراك غير الكوايا
والله لو تأتي على الكوع تزحف=والا توسط فى جميع البرايا
ما عاد ترجع فى فؤادي وتعرف=ولا تسكن بقلبي بوسط الحنايا
يا اللي نهلت من المحبه وتغرف=ما عاد تروي بالمودة ضمايا
القلب صوبك لا تحرك ولا رف=اللي حصلي من سببكم كفايا
من صوبكم ما عاد يبقى لنا شف=من مخزن الذكرى مسحت البقايا
مع السلامه ما ني قايل لك أذلف=الله يسهل دربكم بالبدايا
لو الدهر مهرن يطبع ويعسف=ما صار بأسبابك دوايه ودايا
طويت أنا الصفحه وحبر القلم جف =وحكم القدر ماهو خطاك وخطايا

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك وأعتلا شانك يانادر

قصيده عتابيه حلوه

دمت بخير

الاخ القديرنادرالنادر

صح السانك ودام ابداعك وبيض الله وجهك

تسلم ياالذيب على هذي القصيده الجزله والرائعه بروعة حضورك الغالي

دمتم على الف خير

رابح الجحدلي وبن فرهود الحربى والسهم الحربى و وليف الشوق

صحت ابدانكم
مروركم وكريم شعوركم يقابل ببالغ الشكر والعرفان
دمتم بألف خير

الشاعر المبدع نادر النادر

صح لسانك ملياررررررررر ياذيب
من جد قصيده جزله ونص فاخر من الطراز الرفيع
و فيه من الابداع والمتاع الشي الكثير
وايضاً من الصور الشعريه المذهله التى في غاية الروعه والجمال
وابدع في تصويرها شاعرها
وتنم عن شاعر متمكن من حروفه و احتوائه للفكره بصور الشعريه
وقادر على صياغة الابيات كيف مايشاء بسلاسه وعذوبه وتوصيل الفكره الى المتلقي
ولااخفيك سراً انا من اشد المعجبين بي حرفك
ولله درك كم ابدعت
ومافيك حيله وبيض الله وجهك
وننتظر جديدك

فايز المحيسن
صح بدنك ووجهك ابيض ولاعليك زود
اتحفتنا وشرفتنا بكريم مرورك ونبيل شعورك
ويشرفني وبسعدني ان تكون مشاركاتي محل تقدير واعجاب من شاعر واديب وناقد
بمكانة فايز المحيسن ...تقبل سلامى وشكري وتقديرى لجنابك

صح لسانك
كلام جميل
الله يعطيك العافيه
/
\

ابو فياض النويمي

صح بدنك
والله يجمل حالك على المرور وكريم الشعور
دمت بخير