مريت مسنيٍّ من الوقت مهجور

مريت مسنيٍّ من الوقت مهجور

-







-

مريت مسنيٍّ من الوقت مهجور = دارٍ لهيب الشمس صرّم شجرها
من عقب ماكانت بساتين وازهور = يموج ريّان الورق في زهرها
مرابعٍ من فوقها المزن مزبور = تشرب من انصوب السحايب مطرها
تنصر بها الشيمة ويمنع بها الزور = تنوض بحكام الشريعة صورها
الصبح يِلبسها جمالٍ من النور = والليل يرسم بالروابي قمرها
اليوم جرد إسهالها كنها قور = حتايفٍ مثل الشباري حجرها
تشكي خفايا ضيقها اصدور لصدور = يطير من وقع المعاني شررها
لاباس ياقلبٍ من الوقت مكسور = خضر الغصون اليانعة من كسرها
كم واحدٍ عند الشدايد تقل سور = ترمي به الريح القوية خطرها
يقطع بحور ويعترض دربه ابحور = يطوي على هوج العواصف بحرها
وافي شبور ويدفعه علم واشعور = آيات حقٍ بيناتٍ اسورها
جتني تخطّا كنها درة الحور = غراء سواد الرمش يزهى حورها
كتبتها بسطور من فوقها سطور = اصوغ من جزل المعاني ادررها
ودعتها قافٍ من الشعر مجرور = على براويز الحقيقة سطرها
من رام دربٍ دونه البحر مسجور = ياطى على روس الأفاعي وأبرها
الله على قفرٍ من الوسم ممطور = دارٍ جديد النبت غطّى مغرها
تلعب بها الغربي نسانيس واخدور = على شذى زهور جميلٍ نظرها
سج القدم فيها على فجة النور = يجلى عن النفس العزيزة كدرها
من فوق مزغوفٍ على الدرب مامور = روسٍ يشاورها وروسٍ خصرها
مشى وكمّل كل واجب وميسور = قبل شعاع الشمس يبدي حمرها
على دليلٍ صادق العلم مخبور = عليه برمج رحلته واختصرها
العصر من الشم المراقيب واحدور = قرنة يسنّدها وقرنة حدرها
والليل حجّب زاهر الارض بستور = اسدل ستوره والفيافي سترها
خوة ارجالٍ معهم القلب مسرور = تبقى كما نقش الحروف بصخرها
ماكولهم رز الوليمة على طيور = وشرابهم مي السماء في انقرها
هاذي طراة العمر والطيب مذكور = وكلن يميل لرغبته لاذكرها

	المشاركة الأصلية كتبت بواسطة نافع الحربي

	مريت مسنيٍّ من الوقت مهجور - - مريت مسنيٍّ من الوقت مهجور = دارٍ لهيب الشمس صرّم شجرها من عقب ماكانت بساتين وازهور = يموج ريّان الورق في زهرها مرابعٍ من فوقها المزن مزبور = تشرب من انصوب السحايب مطرها تنصر بها الشيمة ويمنع بها الزور = تنوض بحكام الشريعة صورها الصبح يِلبسها جمالٍ من النور = والليل يرسم بالروابي قمرها اليوم جرد إسهالها كنها قور = حتايفٍ مثل الشباري حجرها تشكي خفايا ضيقها اصدور لصدور = يطير من وقع المعاني شررها لاباس ياقلبٍ من الوقت مكسور = خضر الغصون اليانعة من كسرها كم واحدٍ عند الشدايد تقل سور = ترمي به الريح القوية خطرها يقطع بحور ويعترض دربه ابحور = يطوي على هوج العواصف بحرها وافي شبور ويدفعه علم واشعور = آيات حقٍ بيناتٍ اسورها جتني تخطّا كنها درة الحور = غراء سواد الرمش يزهى حورها كتبتها بسطور من فوقها سطور = اصوغ من نور الكواكب ادررها ودعتها قافٍ من الشعر مجرور = على براويز الحقيقة سطرها من رام دربٍ دونه البحر مسجور = ياطى على روس الأفاعي وأبرها الله على قفرٍ من الوسم ممطور = دارٍ جديد النبت غطّى مغرها تلعب بها الغربي نسانيس واخدور = على شذى زهور جميلٍ نظرها سج القدم فيها على فجة النور = يجلى عن النفس العزيزة كدرها من فوق مزغوفٍ على الدرب مامور = روسٍ يشاورها وروسٍ خصرها مشى وكمّل كل واجب وميسور = قبل شعاع الشمس يبدي حمرها على دليلٍ صادق العلم مخبور = عليه برمج رحلته واختصرها العصر من الشم المراقيب واحدور = قرنة يسنّدها وقرنة حدرها والليل حجّب زاهر الارض بستور = اسدل ستوره والفيافي سترها خوة ارجالٍ معهم القلب مسرور = تبقى كما نقش الحروف بصخرها ماكولهم رز الوليمة على طيور = وشرابهم مي السماء في انقرها هاذي طراة العمر والطيب مذكور = وكلن يميل لرغبته لاذكرها

الشاعر الكبير نافع الحربي صح لسانك وبيض الله وجهك على القصيده الرائعه
التي لها من الماضي والحاضر نصيب حقيقه قصيده شامخه بشموخ شاعرها الكبير نافع الحربي

صح لسانك يانافع وتسلم على القصيده الرائعه
عدل( اصوغ من نور الكواكب دررها )

	المشاركة الأصلية كتبت بواسطة سعد المحمدي

	الشاعر الكبير نافع الحربي صح لسانك وبيض الله وجهك على القصيده الرائعه التي لها من الماضي والحاضر نصيب حقيقه قصيده شامخه بشموخ شاعرها الكبير نافع الحربي

هلابك يابو تركي
حضورك وتعليقك يهمني جدا يابن العم
وشهادتك اعتبرها تاج على راسي من شاعر كبير في حجم
سعد المحمدي ومأنا إلا تلميذ عندك :
تحياتي وتقديري

	المشاركة الأصلية كتبت بواسطة اسماعيل

	صح لسانك يانافع وتسلم على القصيده الرائعه عدل( اصوغ من نور الكواكب دررها )

الأخ اسماعيل

مشكور على الحضور وعلى الملاحظة
وأنا أقصد كواكب الشعر ولكن لايمنع من تغيير الكلمة
إذا فيها شبهة : وجزاك الله خير :

الاخ نافع انت شاعر كبير ماهو انا اللي يعدل كلامك الجزل ولا احد يقدر يدخل على قصيدتك
ولكن مااردته تعديل املائي على الكلمة ( ادررة) التي تقصدبها انت دررها
ولك التقدير والاحترام

الشاعر الكبير نافع الحربي شاعر مثقف يجيد المزج بين الشعر النبطي والفصيح
لايجيده الا شعراء يعدون على الاصابع وياليت شاعرنا يختار لنا قصيده من النوع سواء كانت مطروحه بالسابق او لم تطرح واذا كانت مطروحه بالسابق يحاول ياضعها بالصفحه الاولى نبغاه هو من يختار لنا ويجعلها بالمقدمه حيث الكثير يقرون الصفحه الاولى فقط

صح لسانك يانافع

وقصيده جزله وبني شاعر متمكن
ولله درك كم ابدعت ومافيك حيله وبيض الله وجهك

بيض الله وجهك على الجزله
شامخه كشموخ شاعرها
لاهنت تقبل مروري

الشاعر الكبير
نافــــــــــــــــــــــع الحـــــــــــربـــــــــــــــــي

صح لساانك
مدد بلاعدد

وبيض الله وجهك
على هذه الدرر
رااائعه من رواائعك

لاهنت لاهنت لاهنت
ياحفيد السوالم