المهجرس ولد صياح ابن مرزوق

ياسلامي على اللي مايجيه العوق=وجعل يسلم من الصادوف والباسي
المهجرس ولد صياح ابن مرزوق=هو دليم الشدادي طيب الراسي

صح لسانك وعلا شانك

وبنتظار خالي مهجرس وتراي بصفك هالمره يالبناخي

	المشاركة الأصلية كتبت بواسطة سالم العرم

	صح لسانك وعلا شانك وبنتظار خالي مهجرس وتراي بصفك هالمره يالبناخي

صح الله بدنك يابو خالد والصف يسعد بتواجدك ويعتز
والله خالك يشره عليه الرجلي ويعجز عنه الخيال الله يطول عمره

مرحبا وانت مضحي شاعرٍ مرموق=اعلوين تعن الخيل وسياسي
عيبك انك اليا هجرسة لك طاروق=عقب ماهو بفضي ينقلب ماسي

والمعذره عن التاخير يابو احمد

ماتهون انت تاجرنا وشيخ السوق=فارقٍ فالذهب عن فض ونحاسي
بس وش قصتك واالاخ بدر صفوق=يوم كلٍ يحد السيف عباسي

دايم الحصن مربطها عليها يضوق=وانت دايم لراخ الحبل مساسي
دون ذكر البلاوي حسٌن المنطوق=ما انت مكلوف يابن الناس بالناسي

مثل ماقلت وادري ان الشبوح لفوق=كيف ابسكت واشوف الوضع محتاسي
وإلا انا ماحذفت ولاني المفلوق=ولينٍ للصديق وللعداء قاسي

قبل مده تبا الاسرار بالصندوق=كيف عودت تنشدني وانا ناسي
صلحةٍ ماتجي لين المزاج يروق=عرضوها يابن جمران الاطعاسي

الله الله

صح السنتكم جميع

بدع ورد رائع

دمتم بخير

	المشاركة الأصلية كتبت بواسطة السهم الحربي

	الله الله صح السنتكم جميع بدع ورد رائع دمتم بخير

صح الله بدنك الابداع يحضر بحضورك ياسهمنا الذهبي نسعد ونتشرف بمتابعتك ومرورك النير لاعدمناك
سلمت ودمت