مع الشاعر الراقي والخلوق عبدالأله الشريف

أبو ذياب=
سـلام ياطيـب المعـدن=ياوافي الطبع والأخـلاق
ياحر لو تسمـح وتمكـن=نعزف حروف المعاني لاق
عبدالأله الشريف=
على سفوح الهوى والفن=نسمع نغم يحي الأشواق
جس المثل يالأديب وغن=وأهل الهوى للنغم تنساق
أبو ذياب=
شاجيتني لطرب يـا فـن=ياراقي بأسلوبك الـذواق
بعزف لك أيقاع نبرة حزن=أهات من جرحي الحراق
عبدالأله الشريف=
اعزف بالإيقاع واتسلطن=وابدي الذي داخل الأعماق
مثلك بالألحـان لا دنـدن=تطرب معه كامل الأذواق
أبو ذياب=
وجه المليح الذي ماحن = جافي على القلب مايشتاق
وأصبحت في وضع مايطمن = شك وحقيقه ومابين أفراق
عبدالأله الشريف=
اللي سبى القلب واستوطن=مهما يسبب من الإرهـاق
حاول تداريـه بالأمكـن=لجله فؤادك معـه خفـاق
أبو ذياب=
على حسب دربنا قد كن = وافي على العهد والميثاق
والحين قاسي عليه شن = درب الأسى واحكم الأغلاق
عبدالأله الشريف=
اسعى وشوف البلا مِن مَن=لاصك باب الوصال وضاق
بلكن سعى بينكم وافتـن=حاسد بغى فرقة العشـاق
أبو ذياب =
حاولت بمعاتبه لاكن =شفته ولا حس فيني وفاق
حتى انبعث في الحشى مسكن = منه الخيانه بخداعه ساق
عبدالاله الشريف=
إن مارضى باللتي أحسن=ولاظهر لك معه مشراق
عنّه يكون البعاد أهـون=من حالة الذل والإشفاق

صحت السنتكم
والله يعطيكم العافيه
بيض الله وجيهكم

	المشاركة الأصلية كتبت بواسطة رابح الجحدلي

	صحت السنتكم والله يعطيكم العافيه بيض الله وجيهكم

مشكور

أخي الغالي ويشرفني تواجدك

صحت السنتكم

تقبلا تحيتي وتقديري

	المشاركة الأصلية كتبت بواسطة همس القوافي

	صحت السنتكم تقبلا تحيتي وتقديري

صح بدنك ووجهك أبيض

وشرفني تواجدك العطر

صحــت السنتكــم
دمتم برعاية الله وحفظة

	المشاركة الأصلية كتبت بواسطة بن فرهود الحربي

	صحــت السنتكــم دمتم برعاية الله وحفظة

صح بدنك

ولك الشكر وشرفني حضورك الرائع

صحت السنتكم وبيض الله وجيهكم

	المشاركة الأصلية كتبت بواسطة وليف الشوق

	صحت السنتكم وبيض الله وجيهكم

صححح بدنك ووجهك أبيض

ولك الشكر على تواجدك

يا سلاااااااااااااام على جمال الحرف

سلمت يا ابو ذياب على النقل و صح لسانك و لسان عبدالاله الشريف و بيض الله وجيهكم

لحن راقي و على معنى جميل

و الله يعطيكم العافية