محاورة علي الشهراني ومحمد البدراني

محمد البدراني=
راحوا الناس راحو يا علي ويش باقي =ما بقى الا القليل ويمكن انه يغـادر
والله انك معاهم فوق عظماً وساقـي =ماجهلنا وقوفـك بالسنيـن النـوادر
علي الشهراني=
يا طويل العمر و الوقت مثل السباقي=واحدٍ فيه صادر واحـدٍ فيـه حـادر
طارت الغتره و طارت معاها الطواقي=ودّي انك تبادر قبـل غيـرك يبـادر
محمد البدراني =
أمس تسقي عروقاً ميته بالسواقي =يوم كلً تعلم قـال مانيـب قـادر
واحدن راح غرب واحدن بالعراقي =يحسبنه بعد بكره يبي يصير نادر
علي الشهراني=
كان صار الصحيح اليوم مثل المعاقي=قلت يا خيرة الله بين وارد و صـادر
مالك و مال من ياخذ و يعطي نفاقي=ما يضرك طريق الشوك يا بو كنادر
محمد البدراني=
مانبا العد خالي من جميع الطراقي =عدنا بالروى معروف ماقيل فادر
ولا انا ياعلي ارد عدود المناقـي =كل قصراً احصل فيه براد خـادر
علي الشهراني=
السما فوقها يا خـوك سـتٍ طباقـي=خطوتينٍ أمـام و خطـوةٍ للـورا در
دايم الوقت يكشف ويش خلف الرواقي=بين صادق و كاذب بين وافي و غادر
محمد البدراني=
سمها ياعلي حسب الوفاء والعلااقي =ويش يطلق عليها دمها غير هـادر
مانبا نستحي من واحدن مايطاقـي =خلها تنسمع وتبين منهـا مصـادر
علي الشهراني=
بان في قصر بو عرّام طق و شقاقـي=و الجمل صار يرغي عقب ما كان هادر
راح يوم الوصال و بان ليـل الفراقـي=شي ما قد حصل لكـن شفنـا بـوادر

أمس تسقي عروقاً ميتـه بالسواقـي
يوم كـلً تعلـم قـال مانيـب قـادر
واحدن راح غرب واحـدن بالعراقـي
يحسبنه بعد بكره يبـي يصيـر نـادر
ياسلام عليك يامحمد صح لسانك
خطوتيـنٍ أمـام و خطـوةٍ للـورا در ... شطر يدل على تركيبة شاعر صح لسان عميلك
بان في قصر بو عرّام طق و شقاقـي
و الجمل صار يرغي عقب ما كان هادر .. يهب يهو