ديوان الغاز (مرزوق بن ضافي الحصني) العضيد رحمة الله

انشدك عن بنتين لازم سوا=ولو جبت وحدة صرت ما توفي الدين
ياتن ورى الرجال تقل اخويا=هذا الصحيح وخل عني التخا مين

لم يتم حل اللغز

ويش بنت لها الغا لي رخص=عند الر جال الي تعرف احقوقها
يكثر اهلها وش تعم وش تخص=لاكن قليل اليوم منهو شوقها

الصداقه

ويش بنت جو فها مثل الحليب=ديسها في راسها لبو اعيون اطلعه
ابو عيون دايم عندها قريب=مايقوم بواجبه ليننها تر ضعه
ولو تطول ارضاعته فيها حسيب=قادرن يعطيه ولا يمنعه

محلول من صايب الراي اسطوانة الغاز والقز

ويش رجل ن بالارض وصاحبه بالسماء =ماتشوفه عيون وتسمعه ماتراه
فيه راحت ضمير وفيه امن وحماء =رجل كله معاني طيب في لقاه

محلول=السلام من الساري ابو شمس

ويش رجل لادخل يصعب طلوعه =كم تعلى روس وكم روس صدعها
لو دخل معصوم غير له طبوعه= ماذكر به خير والخيره شفعها

محلول= الكبر من معاند زمانه ‏

ويش بنت لها صولها وجولـه=مايعرفها كود رجـال بخصهـا
من تجيبه ها الضعيفه تنتميله=بسمها تعرف ويدخل من طرفها

محلول نقطة الضعف= من مهجرس الحرف

انشدك عن رجال راعي معاناه=خيره كثير ودايم الدوم مده
ذيله اليا منه زعل عند علباه=يعطي ولاكن ماخذه مايرده

محلول = البحر=من سامي الفكر

ويش كيدن كيد في امرن عجل= بحكمة الله فيه يفعل مايريد
قبل مايخطر على بال الرجل = استلم في ضرف من ضمن البريد
توبع الموضوع بعيونن نجل = كيد فوق كيد النساء علمن اكيد

محلول قصة النبي موسى بالتابوت مع فرعون=من سعد الحصني

وش البنات اللي سمعنا خبرهـن=ماضنتي يخفن على كـل عـراف
لله در اللـي بعرفـه سبـرهـن=جاب الخبر لو كان باالعين ماشاف
يومن بعض الناس ابفكره حقرهن=وقف لهن وقفت منصف ولا خاف

محلول رؤيا ملك مصر=من نافع الحربي

ويش رجلن فات وقته يستفز الشاعريه = شاله اللي شال غيره من صغار ومن كبارا
رجل للرجل الهواوي مايجيب الا الاسيه = يذكرونه في الزمان اللي مضى ستر للعذارا

محلول الهودج=من الساري ابو شمس