هذه وصاية الى ابني فيصل

الاولة التقوى من اتجاه باريك = خلك على التقوى حسين الفعالي
وعواقب التقوى تراها تهنيك = رجل بلا تقوى قصير الحبالي
والثانية الابوان عسى الرب يهديك = لبي طلبهم فيك حطو الامالي
اصبروا على المرات عسى الله يخليك = كم ارخصوفيكم عزيز الغوالي
والثالثة اخوانك يافيصل اوصيك = لموا بعضكم في صفوف الرجالي
والرابعة خيتك ترى هي تغليك = خلك عليها هيف مثل الظلالي
والخامسة اولاد جدك ربعك واهاليك = في ال النويمي لاتوري هزالي
لو ضاق واحدهم مايهون يشنيك = تاخذهم الغيرات عند التوالي
واوصيك بالقربى واللي مواليك = بوصل الرحم وصاك رب الجلالي
والسادسة مالك ترى المال يعطيك = دنيا ودينا على كل حالي
والسابعة ظيفك اذا جاك ناصيك = كثر له الترحاب مع القبالي
قدم له الموجود من غير يحفيك = وحسن له الاخلاق مع التهالي
ولا تحتقر مخلوق ماطالت اياديك = كرم محلك دون فرق الرجالي
والثامنة السفهان جنب تماشيك = من عاشر السفهان فيه الخمالي
خلك مع العقال زينة مساعيك = اللي يثيبك في صعوب المقالي
واعرف صديقك من اللي معاديك = لاتغرك الضحكات ياشف بالي
والتاسعة الحلم خله يباريك = بالحلم ترقى عاليات الجبالي
و الطيب اجزيه باحسن مايجازيك = واصفح عن اللي ضعيف المنالي
والعاشرة صلي علي خير هاديك = محمد رسول الله رب الجلالي
عد وبل المطر وماسال واديك = وعد نجما في سماها يلالي

صح لسانك مليون على القصيده
والله يعطيك العافيه
بيض الله وجهك

صح لسانك وبيض الله وجهك

لك خالص التقدير

صح لسانك وبيض الله وجهك على النصيحه واشهد با الله انها نصائح من ذهب والله يصلح لنا ولد وللجميع الذريه

سلم فكرك ومعنى رائع

ولي وجهة نظر يالذيب

اتمنى ان تتقبلها بصدر رحب

والله اني مني قد فالقرائه ولكني لي ملاحظات

على الوزن في معظم ابيات القصيده

تحياتي لك...


اخوك


العقيد

	المشاركة الأصلية كتبت بواسطة رابح الجحدلي

	صح لسانك مليون على القصيده والله يعطيك العافيه بيض الله وجهك

صح بدنك اخي الغالي ابو نواف حضورك الراقي مشرف لي بيض الله وجهك
تقديري واحترامي

صح لسانك وبيض الله وجهك
اخوي مشعل النويمي
على هذي الوصيه الثمينه
والله يحفظ لك اولادك ويحفظ لنا
اولادنا ويصلح حالهم
لاهنت يابو فيصل ولاهان حضورك الراااقي
احترااامي

صح لسانك يا أبوي ، وبيض الله وجهك
قصيدة رائعة ووصايا من ذهب
وبإذن الله الواحد الأحد اني بحط الوصايا تاج على راسي
والله يحفظك لنا ان شاء الله يا أبوي ويخليك
ولدك المحب : فيصل مشعل النويمي

	المشاركة الأصلية كتبت بواسطة فيصل مشعل النويمي

	صح لسانك يا أبوي قصيدة رائعة ووصايا من ذهب وبإذن الله الواحد الأحد اني بحط الوصية تاج على راسي والله يحفظك لنا ان شاء الله يا أبوي ويخليك ولدك المحب : فيصل مشعل النويمي

هذا الشبل من ذاك الاسد
وصيه يابوفيصل تكتب بماء الذهب
الله يصلح لنا ذرياتنا
كل والود

الله احسدك يافيصل على وصيا ابوك لك ياليت ابويه شاعر امنيه كل من يتمنها
القصيده روعه الله يحفضه لك ويتربا فى عزك ياسلام روعهههههههههههههه
الكلمات بصراحه شى يفلج الصدر يوم الواحد يشوف ابوه يقصد فيه شى ماله وصف
عساك دوم على القوه يابوفيصل حجماه الله لك من كل مكروه