ســــــجـــــة فــــــــكـــــــر

	السلام عليكم ورحمة الله وبركاته اخواني واخواتي هاذي قصيده ترحيبيه قلتها في صاحب السمو الملكي الامير محمد بن نايف بن عبدالعزيز عام 1428 في حفل رجال الامن في مقر قوات الطواري الخاصه في مكه المكرمه

أبحرت في بحر المعاني والأفكار= سفينة(ن) يصعب مرسى بحرها
سفينة(ن) تبحر على كل الاقطار = يلعب بها موج(ن)وموج(ن) غمرها
ما كل من طب البحر صار بحار= ولا كل نفس(ن) عارفه وش قدرها
في ساجت(ن) بنيت وعليت الأدوار= مسمع من الدنيا لجايج بشرها
انسج بيوت الشعر من لب الأفكار = من شاعر(ن) جزل المعاني حكرها
أشوف مكة با الفرح سر و جهار= تبا شرت بشيخ واسعد نضرها
يا مرحبا بالحر من نسل الأحرار = عد النجوم وعد مبدءا شهرها
عد الهبوب وعد ميلات الأشجار = وعد الثمار وعد صافي زهرها
محمد ولد نايف على نهج الأخيار = زومان زيزوم المراجل حصرها
ضرغام لطام الأعداء سيف بتار = ياللي شريه المعرفة من نهرها
قايد رجال الأمن في وقت الأخطار = قايد محنك قرم يبعد خطرها
جندك جنود الدين ترخص بالأعمار= لأجل الوطن تسهر وتامن هجرها
درع الوطن في نحر باغي وغدار = هم نجوم الليل وانته قمرها
تسهر ويامن كل من يمنا سار = حجاج بيت الله وربي سترها
في ديرة أهل العرف للضيف والجار = أهل الصخى والجود كل(ن) خبرها
كل الدول يمه يردون الا نظار = لا صعبت العسرات بعزمه قدرها
هذا الملك بو متعب الحاكم البار= صقر العروبة تحت ضله عمرها
يا لله يا معبود علام الأسرار= يا خالق الدنيا ومحصي حجرها
تمحى هل التخريب ها فين الأقدار= الله يذهبها ويذهب دبرها
ناس(ن) تحب الفشخره والتمخطار= هذي طبايعها وربي قهرها
اللي على الشينات عجلين الأذكار = مثل القناه اللي سريع(ن) خبرها
حنا الطواري للفخر رمز وشعار = نارد عدود الموت نطفي سعرها
حنى رجال الأمن وافين الأشبار = نرد كيد أهل الفتن في نحرها
وعيدها وقول مرحب بالأحرار= عد النجوم وعد مبدءا شهرها
عد الهبوب وعد ميلات الأشجار= وعد الثمار وعد صافي زهرها
عبر الأثير وعبر موجات الأقمار = تكرار أكررها بصوتِ نشرها
وصلات ربي عد همال الأمطار= على محمد عد صافي مطرها

ارجو ان تنال اعجابكم
اخوكم شاكر مضحي العاكور