محمد حمد حسين اليوبي"(عظم الله اجر جرحي)

السلام عليكم ورحمة الله وبركاته






بعنوان





(عظم الله اجر جرحي)

عظم الله اجر جرحي فالجروح المقبلات=والله يرحم خافق اللي هدته طعنات ذاك
ذاك اللي بي تلذذ بالطعون الداميات=بالغدر ليه اتعامل مع خفوقٍ ماظماك
رحت اهوجس بالفكر بفراح عدت زايفات=واتفكر ليه تطعن حي عمره ماجفاك
كنت اخاطر لجل عينك وانت في نوم وسبات=وأوقظك واضحك بوجهك دون ابين ماخفاك
شخص كرس لك حياته بالمزوح الدايمات=يرتجي منك ابتسامه ترتسم له في شفاك
مثلك انك لورحه مع مماته والحيات=شخص ماعمره جرحك ولا ابد يوم عصاك
اقضي الليل اتخيل طيفك الي مايبات=دئماً اهوا معايا وتأمل في رئاك
ابلع العلقم واحدر بالسكات وبالسكات=واتغلف ببتسامه لجل ماظيق وشاك
ولو تغيبين اتنجد بالصبور القاتلات=واترقب جيتك والقلب يمك ويحداك
كل حسي مع خفوقي والجوارح شايلات=عرشك اللي وسط جوفي واختلج فيني حواك
بأختصار انسان قدم لك حياته والممات=كان يبغى وصل منك بالوفا ياما رجاك
سعده انه يرسم البسمه فوجهك يافتات=وانك انتي بالخطا تبدين ويسامح خطاك
والجزا كان الجزا طعنات جداً هالكات=سلهمن داخل حشايا واستسمن بالهلاك
لين ثقلت بي حمولي وعمت انا فالظاميات=بأحتزم بالماضي اللي حطمه مبداء وفاك
الوفا فيني وراثه والعلوم الطايلات=يامعاناتي ترا بكسر انا قيده فضاك
بترفع وتعزز وارتقي عال السمات=صقر لاحفت الطريده لي قواعد اشتراك
مثل ماكنت بغيابك اترجوا بالوفات=صار في قربك عذابي اقضبي علمي لفاك
صح اوفي لكن اوفي للضمير اللي في ذات=وانت ماعندك ضميرٍ...الله يجنب خطاك
كل فعلي لك يشرف بالعلوم النايفات=لكن الليله حسافه ليت قلبي ماحتواك
ماهو لغيابك لانك تنقضين المعطيات=اللي قدمهن خفوقي لك في حزة رحاك
ولا انتي ماعليك ابداً حسافه او شمات=بكتبك واشطبك وارجع اكتبك ثم امحاك
سرت اشوفك من فعولك كوم سلة مهملات=واعتبر نفسي خسرته يوم اقضيته معاك

صح لسانك مليون على القصيده
والله يعطيك العافيه
بيض الله وجهك

صح لسانك ولاهنت

الله عليك ياشاعرنا الرائع ابو حمد

وجزل ياراعي الجزاله

وقصيده في غاية الروعه والابداع

وبيض الله وجهك وصح لسانك

ياسلام ياسلام ياسلام

صح لسانك وبيض الله وجهك

لك خالص التقدير

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك
..
..
أسجل اعجابي بالقصيدة
..
ويعطيك العافيه ..

اخي الحب الباقي


صح بدنك يالذيب



وشاكر مرورك



العقيد

صح لسانك وبيض الله وجهك على القصيده الجزله

صح لسانك على هالقصيده الجزله

بانتظار جديدك الممتع دائما