محاورة بيني وبين حفيد الحجيري

بــــخــــيـــــتـــــان الــــــبــــــشـــــــري =
سلام فأول طرقتـي يمشـي بهـا لامادهـا=يمشي بها من مادها قانون وأكتب ياقلم
جينا على سبـل الوفـا رواد مـن روادهـا=رواد مـن روادهـا يوفـون وأكتـب ياقلـم
حــــــفــــــيـــــــد الـــــحـــــجـــــيـــــري =
يـا مرحبـا ترحيبـةٍ تاتـي علـى ميعـادهـا=تاتي على ميعادها مليون وأكتب يـا قلـم
جيتوا كما غرّ المزون اللي سحابه قادها=اللي سحابه قادها بالعون وأكتب يـا قلـم
بــــخــــيـــــتـــــان الــــــبــــــشـــــــري =
ياضيف في داره لفى واليوم نوره زادها=اليوم نوره زادها مضمون واكتب ياقلـم
جينا كما بارق برق واقفو بعـد رعادهـا=واقفوا بعد رعادها يجرون واكتب ياقلـم
حــــــــفــــــــيــــــــد الــــــحــــــجــــــيــــــري =
أنت وأنا من دار حرب اللي ما تحصى أمجادها=اللي ما تحصى أمجادها ف قرون وأكتب يا قلم
شفـنـا الحـبـال مـعـقـده قـلـنـا نـحــلّ اعـقـادهـا=قلنـا نحـلّ اعقـادهـا بالـهـون واكـتـب يــا قـلـم
بــــخـــــيـــــتـــــان الــــــبــــــشـــــــري =
حرب الوفا نيرانهـا تِشعـل بقـدح زنادهـا=تِشعل بقدح زنادها تـدرون واكتـب ياقلـم
شفتوا وشفنا شوفنا محصولها حصادها=محصولها حصادها مصيون واكتب ياقلم
حــــــفـــــــيـــــــد الـــــحـــــجـــــيــــــري =
حرب الوفـا بشيوخهـا ورجالهـا وأولادهـا=برجالهـا وأولادهـا يبقـون وأكتـب يـا قلـم
بعض الجمال تطيح دون حمولها وشدادها=تطيح دون شدادها وتهون وأكتـب يـا قلـم
بــــخــــيـــــتـــــان الــــــبــــــشــــــري=
كل ن وراء جدره درق يومٍ نشد نشّادها=يومٍ نشـد نشّادهـا يفتـون واكتـب ياقلـم
بعض العرب ماتحتمي برجالها لسدادها=برجالها لسدادهـا يعـرون واكتـب ياقلـم
حــــــفـــــــيـــــــد الـــــحـــــجـــــيــــــري =
ما يدّرق غير الضعيف الي يهاب أسيادها=اللي يهاب أسيادها مغبون وأكتب يا قلـم
كم عين نكحلها وكم كبدٍ نزيـد الهادهـا=كم كبد زدنا الهادها وعيون وأكتب يا قلم