منور فضي وتركي الشيخ

تركي الشيخ=
يامرحبا ترحيبةٍ جزله تزيد النور نور = بالمجلس اللي يجمع الشعار !! والمخرج ملي
يامعمري لي شرهةٍ تضفي على بعض العمور = والا بعضهم يكفي المعذار !! والمخرج ملي
منور فضي=
يا الله لعلك للبقا ياصقر من ضمن الصقور=وانته مخير للعلوم اختار!! والخرج ملي
ان كان به شرهه تفضل لاتلف ولاتدور=اللي يدور حق مايحتار !!والخرج ملي
تركي الشيخ=
الله يبارك بالرجال اللي لهم بالوقت دور = وانتم تعرفون الزمن دوار !!والمخرج ملي
اللي يدور حق وافي وانت تخلط بالامور = نوبٍ يمين القوم نوب ايسار!! والمخرج ملي
منور فضي=
الله يبارك في هل الطاله وسيعين الصدور=يا المحترم خل الطوال اقصار!! والمخرج ملي
انته تراجع مامضالك في سنه ولا شهور = يالين خليت الصغار اكبار!! والمخرج ملي
تركي الشيخ=
تبى تعذر ياطويل العمر ما انته بمعذور = انته شويرٍ ماتمد الشار!! والمخرج ملي
انته تطيع اللي ينبش له جنايز بالقبور = يالين طحت بحفرة الحفار !!والمخرج ملي
منور فضي=
ماني بمتعذر مادام اقصور ماجاكم قصور=مير انت مثل الثعلب المكار!! والمخرج ملي
قدر الشراكه يا الزبيدي فوق ناره مايفور = لو كان تحته يشعمون النار!! والمخرج ملي
تركي الشيخ=
انته كما اللي يترك الدسمه ويقلط فوق سور = واليا مشيت ايثور منك غبار!! والمخرج ملي
الله ولا ناسٍ تحط السم في وسط القدور = لا مسلمين ولاهم بكفار!! والمخرج ملي
منور فضي=
حنا رفعناكم وصرتم من حدور في حدور=با المعرفه صار الرصيد اصفار!! والمخرج ملي
انته علامك يا الزبيدي من دبور في دبور =قعدت ترمي رمي دون اعيار!! والمخرج ملي
تركي الشيخ=
انا من هل العرف والطاله طويلين الشبور = وانتم عرب مابين نار وغار!! والمخرج ملي
ان كان تبغى الصدق ما لك لا غياب ولاحضور = وسط المدينه تلفت الانظار !!والمخرج ملي
منور فضي=
العرف مطلب يا الزبيدي للاناث وللذكور =والمحترم مايفشي الاسرار !! والمخرج ملي
انته معديك الزعل مدري معديك الغرور =والحر يفهم والحمار احمار !! والمخرج ملي
تركي الشيخ=
لحيتك لابارت شنبك اكيد يامنور يبور = من بعد هذي مابقى مقدار!! والمخرج ملي
الصبر طيب والله انه يجزي الرجل الصبور = السد مايحفره غير الفار!! والمخرج ملي
منور فضي=
اللحيه اللي ماتعرف ابنا البطون من الظهور =اتدرج عليها الموس ياغوار !!والمخرج ملي
حنا نشوف السد من قبل اربع اشهور محفور =ولالي وراكم يالزبيدي ثار !!والمخرج ملي

محاوره جميله من شعراء متميزين ..صحت الالسنه ..والمخرج ملي .

مشكور يا تركي
وهذي من اجمل المحاورات
والشاعر ابو ياسر منور المعمري عم الشاعر ونعم الرجل

الله الله على اللعب الجميل و الحماسي و المغطى

حقيقة ابو ياسر و تركي الشيخ شعراء كباااااار و نفتخر فيهم

و هذا اللعب اللي يشد انتباه القاااااارئ و يبرد الكبد

صح السنتكم و بيض الله وجيهكم

صح الله السانك ياتركي وصح الله السان ابو ياسر


شعار كبار

الله الله على اللعب الجميل و الحماسي و المغطى

حقيقة ابو ياسر و تركي الشيخ شعراء كباااااار و نفتخر فيهم

و هذا اللعب اللي يشد انتباه القاااااارئ و يبرد الكبد

صح السنتكم و بيض الله وجيهكم

الله يبارك في هل الطالـه وسيعيـن الصـدور...يا المحترم خل الطوال اقصار..
منور شاعر علم ..لعل تركي استفاد من هذه المحااوره..

	المشاركة الأصلية كتبت بواسطة المخلفيي

	الله يبارك في هل الطالـه وسيعيـن الصـدور...يا المحترم خل الطوال اقصار.. منور شاعر علم ..لعل تركي استفاد من هذه المحااوره..

الله ولاناسٍ تحط السم في وسط القدور .... لامسلمين ولاهم بكفار..

بلا شك استفدت من الشاعر العلم منور فضي واللعب مع ابو ياسر مكسب وتكفيني شهادته وشهادة شرواه

لكن انت عساك استفدت من المحاورات اللي بيني وبينك هههههههه

علي الحصني

العفو يابوفارس

وابوياسر نعم الرجل ونعم الشاعر ونعم الخوي

تحياتي

حميدان العوفي

لاهنت يابوناصر وشهادتك وسام فخر