( ابوعبدالعليم والســـــــــكر )

هلا بالهاجس اللي ننتظرك و جيت في موعدك=وأنا خابرك ما تخلف وعودك يـوم توعدنـي
ألا يالله عسانـا نفقـد ألأعـداء ولا نفـقـدك=وعلى هذا خصيم الشر إنت اللـي تساعدنـي
أنا بانشدك يالسكر و هات الصدق يوم انشدك=واش لك عندي يوم انك بين خلق الله تهددني
انا جيتك محبه فيك ما جيتك أبـى اهـددك=ولا خاويت مثلك يا ولد مـزروع يسعدنـي
أنا ماابغاك تزعل من خويك والخوي ساعدك=أبا قربك لو انك مـا تبـي قربـي تبعدنـي
باتخدعني وأنا ماني مغفل داري بمقصدك=يا بو نيه رديه جيتني بالشـر قاصدنـي
تبهذللي حياتي مير أقول الله لا يسعـدك=أنا وش ابغى بقربك وانت فالدنيا معقدني
أنا ماني بضايق وانت كثر الهرج ما ينجدك=ولا اظن الكلام اللي تقولـه بـا يشددنـي
أنا ماني عنيد ولا تحسب اني أبى اعانـدك=ولا ودي عنادك يوم يعلم الله لو تعاندنـي
يا محرمني من النعمه و قلت أنا ماني حاسدك=تبي مني صداقه وانـت بأفعالـك ملاهدنـي
تكب أهل الشحم و أهل اللحم وجيتني تدبـك=وأنا وش كبر جسمي وانت ياالغدار حاسدني
تحملت الكلام اللي تقوله ماابغى أزايـدك=بعد جات العلوم اللي حقيقه لا تزايدنـي
تبي فكه من الصياد وانته في يدي صايدك=لكن اصبر على علمٍ حصلك لا تكايدنـي
تواردني لحكم الشرع ولاّ قـول مـا اواردك=وأنا رجال أورّد جابتي و الشـرع ينجدنـي
يبي يصدر عليك الحكم سجن و جلد ثم أجلدك=و هـذا ردع للظالـم و خلـق الله تأيـدنـي
كثر هرجك وكثر الهرج لا نافع ولا فايدك=أناما جيتك إلا بأمر وانت تقول واردنـي
لكن إقنع بحكم الله وحكمة ربنـا تنجـدك=وأنا ما ابغالك المنقود وانتـه لا تنقّدنـي
بعد علم حصل بيني و بينك ربنا يبعدك=وأنا ربي يشافيني ولا اشوفك تراودني

وسلامتكم........ وسلمك الله من دااااااااااء العصر السكررر وشافى كل مرضى المسلمين..تحياتي

ما يشوف شر وربي يعطيه الصحة والعافية ويحمية من كل مكروة ويجعلة في كل خطوة سلامة

واشكرك على النقل لا عدمناك

وننتظر المزيد ياابوحميدان

صح لسان ابو على وشاعر كبير

الله يعطيه العافيه وطولة العمر

مشكور على النقل بارك الله فيك