بوش عااااااااااااااااجل

قصة المؤامرة

ذات يـومٍ بـوش قاعـد بالعلالـي=قاعـد يفكـر كفـانـا الله بــلاه
درعمت سِت الحسن بـدر الليالـي=(كندوليزا رايس) في أحـلا بهـاه
قال:يامرحـب بمـن كِنَّـه غزالـي=اقلطـي حيـاك يـاريـم الـفـلاه
قالت: شلونك يابشبـوش الكمالـي=أشهد إنـك جبتهـا يابـن الغُـزاه
قال:ياكوكو طموحـي حيـل عالـي=تو تخطيطـي مـا وصَّـل منتهـاه
قالت:أبك عذبتنـي وشيـب حالـي=شيب من شاب وتشيَّب فـي عنـاه
وش بقى يابوش وأمريكا المعالـي=أسقطت (بغـداد) واحتلَّـت رُبـاه
(العراق) اليـوم تحـت الإحتلالـي=ومن قبل(كابول) منـك وش لفـاه
وهذي اسرائيل صارت مـا تبالـي=وداخل أرض القدس تفعل ما تبـاه
حتىشيخ العنف ياسيـن الضلالـي=راح و ارتحنـا مـن مطـارد وراه
وأنت تعرف طبع شارون الخيالـي=ما يحب العنـف والعنـف ابتـلاه
ياما أرسلـي رسايـل و شتكالـي=ليـن جوالـي بكـا حـزنٍ معـاه
بس صار اليـوم يشربهـا زلالـي=وصار يشخر عقب ما نومه جفـاه
قال:ياهمـي علـيـك و همـلالـي=دايـمٍ فكـرك قصيـرٍ فـي مـداه
قال أبوي ويسلم افمه يـوم قالـي=السياسه و(المـره) هَـمْ و غثـاه
المره عند السياسه شيـب حالـي=لا حكـت ودِّك تلقمـهـا حـصـاه
وش لِكِن بأمر السياسه يا حلالـي=السياسه ذي تبـي عقـل و أنـاه
خلكـن عنـد النميمـه و العيالـي=وأخر الموضـات و أرواج الشفـاه
قالت:إخرس يا مبشبـش لا تغالـي=أنت واعـي للـي لسانـك حكـاه
قالت أمي و صدقـت أول و تالـي=الرجال أشبـاه فـي كـل الحيـاه
جعلك الحمـى و جعلـك للهزالـي=صـار قلبـي يقـول مـنِّـك آه آه
قال:أنا أمزح معك ياخـت الغزالـي=واعذريني ماهو قصدي يـا غَنَـاه
إنتِ يا كوكو نسيتـي إنّـه بقالـي=(سوريا) و (إيـران) وبـلادٍ معـاه
قلت لك كوكو طموحي حيل عالـي=قلت لك تـوه مـا وصَّـل منتهـاه
قالت:أرضى بس جاوب عن سؤالي=وش تفكر فيـه يـا ذيـب الفـلاه
قال: أفكر بأمر مشغـل كـل بالـي=لو تحقق قلبـي يـا مسعـد مُنـاه
ما أبـي للمسلميـن أيَّـة مجالـي=والعرب بالذات يـا عيـن المهـاه
خايف إن بغداد و أمـر الإحتلالـي=ينبش الماضي بقلب اللـي نسـاه
وخايفٍ يصحا عقب نـوم الليالـي=مـارد الإسـلام و يقَطِّـع غَطـاه
لو صحا يا كندوليـزا ويـل حالـي=السيـوف النايمـة تصحـا معـاه
حتـى أمريكـا مصيـره للزوالـي=و ما يردَّه دونهـا سـلاحٍ و جـاه
وتدفع الجزيه جنوبـه و الشمالـي=يـاه مـا اقـدر أتخيـل يـاه يـاه
وأنتِ يمكن تصبحي بعـد الدلالـي=جاريـه و يدرفعـونـك بالعـبـاه
صاحت:اسكت سكري والضغط عالي=ما أقدر أستوعب كلامك من غثـاه
و آعذابي يا مبشبـش و آهبالـي=أنا أصبـح جاريـه عنـد الطغـاه
ما بقى إلاهي و أنا بنت الرجالـي=كندوليزا رايس نجـمٍ فـي عـلاه
قل لي مشروعك بسرعه لا تبالـي=لجل أكثـر لـك دعائـي بالصـلاه
قال:مشروعي أبد ما هـو مُحالـي=بس يبغي وقت مَعْ صبـر و أنـاه
نبغا مسلم داخله يـا بنـت خالـي=يطلـب الدنيـا و يتبـع مشتهـاه
لجل يمشي في حياتـه مـا يبالـي=حتى لو نحتل أرضـه مَـعْ سمـاه
نبغا نصنع (شرق أوسط) يا غزالي=ما يميـز فيـه ديـنٍ عـن سـواه
و بكـذا يتقبـلـون و بإمتثـالـي=دولـة إسرائيـل و بكامـل ثـراه
و تصبح أمريكا لها أكبـر مجالي=يقـوةٍ كـل الـدول تمـشـي وراه
قامت الخبلـه تطقطـق بالنعالـي=من كثـر إعجابهـا باللـي حكـاه
ثمْ قالـت:آه يـا زيـن الرجالـي=أشهد إنْ مخـك فريـدٍ فـي ذكـاه
رائع المشـروع لكـن يـا حلالـي=شكل صهيون الحبايـب هـم وراه
قال:أنا أشهد و بصراحه يا دلالـي=هم لنا كالنجم نمشـي فـي سنـاه
بس أبي منك طلب يا أخت الهلالي=قالت:أبشر يا عسـل زايـد حـلاه
قال:عندي ناس غثَّوا حيـل بالـي=من بعض قومي هل العـدل التقـاه
يسألونـي و أشغلونـي بالسؤالـي=وين أسلحة الدمـار و مـن خـذاه
و من هدم برج التجاره من عوالي=وهذا غير أهل الصحافه يـا غَنَـاه
ساعدينـي كندوليـزا فـي مقالـي=الخـوي يلحـق خويـه لا نخـاه
قالت:أبشر راح أجادلهـم جدالـي=و راح أخلي الشعب يمشي في عَمَاه
راح أفزع لجل عينـك وِلْـد خالـي=مع وَلَد عمي (عنان) و مـن معـاه
بس (رامسفلد) الغبي قِطَّه يا غالي=وش لنا به شايب و زايـد خَطَـاه
يقهرن لا شافنـي أجلـس لحالـي=جا لعندي لجـل يبـدا فـي غَثـاه
و لا جلس ما عنده إلا هالسؤالـي=كندوليزا ما انخطبتـي يـا مَهَـاه؟
صِرت يا بشبوش لا شفتـه قبالـي=أشعـر إنـي عانـسٍ محـدٍ بَغـاه
و أنا تَوَّه ما طفت شمعـة جمالـي=توي بالخمسين وأنبـض بالحيـاه
قال:داري بس صبرك يـا غزالـي=قالت:أبشـر لجلـك أتحمـل غَبـاه
قال:و أيضاً فزعي (بلير) و تعالـي=تـرى جِدانـه بعـد مثلـي غـزاه
و احذري تنسين (شارون) المعالي=هو قمر صهيون يـا مكثـر حـلاه
(دُبْ) لكن له طموح و فكر عالـي=وهو بعد رجـل السـلام و منتهـاه
بعدها قامـوا و راحـوا بإختيالـي=كل واحـد عـارفٍ موقـع خُطـاه
قصتي أحداثهـا مـا هـي خيالـي=حق و التاريخ يرشـد مـن قَـراه
من ظهر (أحمد) بدينه مـا يبالـي=بتـدت قصـة مؤامـرة الطـغـاه
أمس أبولهب و أبوجهل الضلالـي=وصار بوش اليوم و أسراب البغـاه
يمكـن أسماهـم تَغَيِّـر و الليالـي=بس يجمعهم هدف هـم لـه دُعـاه
و البطل واحد وشامـخ كالجبالـي=صامدٍ في وجـه كِـلْ نـذلٍ رُمـاه
البطـل (إسلامنـا) أول و تـالـي=وأُمـةٍ هـو دينهـا أيضـاً مَعَـاه
البطـل محتـاج لأفعـال ونضالـي=لجل نرسي حكمه و نضرب عِـداه
استمع ياللي تحـس إنِّـي أغالـي=افتـح القـرآن و اقـراه بـأنـاه
رتِّله تلقى وصوف أهـل الضلالـي=لجل تعرف صدق ما شعـري رواه

الشاعره/ريوف الشمري
لا تبخلو بالردود وهذ الموقع لمن حب المشاهده:
http://www.mshaheer.com