بدر السحيمي%%غالب الذيابي

بدر السحيمي

تبث الاذاعه مير ياشين الاخبار=ودار الفلك مابين حرب وعتيبه
تراها قويه غلطتك حيل ياجار=ولاناخذ العاقل بغلطة صحيبه

غالب الذيابي

الا يالسحيمي زم عن لعبة الفار= وانا وانت نبقى فوق عن كل ريبة
ترى مارضيناها وتبشر بمعذار= ولن طفتها بالسمع ماهي غريبة

بدر السحيمي

رماها ولاهو حاسب احساب الاخطار= ورجل(ن) يشب الفتنه الله حسيبه
ترى العذر ماينفع ليا شبت النار=وذلحين واجب تدفعون الضريبه

غالب الذيابي

ترى رفقةٍ ما تدمح صغار وكبار= على زلتي تفرح بسوق النجيبة
ورا يوم سقنا الطيب والبن والكار=تصدد عنه وتقول انا ويش ابي به

بدر السحيمي

طمعت ابرفقيك ترمي ابدربه احجار=درينا عن الرفقه وشي(ن) تجيبه
تسوقون مير السوق واقف ولاسار=وهذي مصيبه غير ذيك المصيبه