مادام قالت حرب في نجد تعنيك=القاله اللي بالحجاز تعناني

26-11-06, 04:47 PM

يالشعر جاء حزة لزومك وداعيك=واللي دعا حرب العزيزه دعاني
باهاجسي بغلا الخزايز لااوصيك=فرصتك هذي ماتجي بالتماني
سرنا من اقصى نجد لأبن مبيريك=فوق الجيوب اللي عليها الضماني
مافيهن اللي للسفر مايهقويك=احدث موديلات(ن) تجي بالمواني
الصبح كل دريول(ن) دقه اسويك=ثم جر باليمنى حزام الاماني
ماطالت سويكه ايدين الصعاليك=مركب رجال(ن) يكسبون الرهاني
عليهن اللي ينقضون الشرابيك=شيخان حرب موردين السناني
هم درعنا الواقي بهاذيك وبذيك=وقفاتهم يشهد لها بالكياني
لبوا لداعي معتقين المماليك=شيوخ رابغ من قديم الزماني
ايمن على اسمك ايمن(ن) في مباديك=ويدوم عزك ياسهيل اليماني
واكبر دليل(ن) واضح متضح فيك=سويت حفل(ن) لم كل العواني
حفل(ن) يديرونه سواعد بني اخيك=وشكري وعرفاني لهم وامتناني
ياشيوخ رابغ منقذين المهاليك=تاريخكم حافل بكل المعاني
كلمت ولد صقر الجزيره تكفيك=شهد لنا واشر لكم بالبناني
تاريخك ابيض حاضرك مثل ماضيك=طير السعد صيده جزال(ن)سماني
مادام قالت حرب في نجد تعنيك= القاله اللي بالحجاز تعناني
قلته مثل والعلم ماهو بخافيك=تدري وتدريبه رجال(ن) ذهاني
للعز ياجمع(ن) حميده مساعيك=منهجك ماجاء في صفوفه تداني
ياجمع حرب انقلت باشعرماوفيك=وانا اشهد اني في حقوقك مداني
ان عشت ياراسي من الشال لأكسيك=وان مت كل الخلق لوعاش فاني

غازي الزغيبي

26-11-06, 04:56 PM

الشاعر

غازي بن مغيران الزغيبي

صح لسانك و بيض الله وجهك على هذه القصيدة الرااااااائعة

و يستاهل أبن مبيريك المدح و كل الشعر لايقٍ فيه

و لايهونون مشائخ حرب

26-11-06, 05:08 PM

المبدع غازي الحصني

صح لسانك

على هذا النظم الراقي

الرفيع برفعة قائله ومناسبته ومن ذكر فيه

من علية القوم

حقاً هذا ماينبع من نهر الأصيل

اصاله رفعه حفظ للجميل وشيم تلامس القمم

مهما أقول لايوفيك حق شاعرنا العملاق

بارك الله بك وبما قدمت

لاعدمنا وجودك