النصـــــــيحه

سبحان من يعـلم خفيـات الأســرار = اللـي بســط سـبع وسـبع رفـعـــها
يعلم دبيب الـذر مـن تحت الأحجــار = ويعلم خــوافي بـرهـا مـع بحــرها
يسر طريق اللي من الـوقت محتـار = عبـد يخاف من الذنــوب وخطرها
وبنصـح اللـي له معـــزه ومـقــــدار = أعرف ترى الدنيا ســريع نكـــدها
وإذا بغيت العــز يا نســل الأحـــرار = الـدين أول خـطــــوة واغــتـنـمها
نكثر من الاستغفار في وقت الأسحار = نخــاف من نـــار تـلـظـى لـهـبــها
ونجــدد التــوبة ونـنــدم لما صــــار = ونعزم على ترك الذنـوب وكـدرها
وللوالدين خلك مطيع (ن) لهم بـــار = حقــوقــهم واجــب وربي ذكـــرها
احرص عليهم قبـل تــوديع الأعمـار = الثــروة اللــي مـا عــرفـنــا ثمـنها
واختـر من الاصحاب الربع الاخيار = اللـي لـرب الكـون تخلـص عملها
اللي مجـالسهم بها الكيــف يـنـدار = كيف الرجال اللي عــزيز شـرفها
وفي آخر المجلس حديث مع اذكار = علوم (ن) يطرب لها من سـمعها
واجب علينا دعـوة ســر واجهـار = ونمشي على السنه ونترك بدعها
وإذا بـلـيـت بمجـلسٍ فـيـه هــــذار = أبعـد عـن اللـي كلمـته مـا وزنها
اللـي لخلق الله تقل وضـع منشــار = الحــي والمـيـت يـنـبـش بـاثــرها
لا جاك بالمجلس تقل نشرة اخبــار = يجمــع علـوم مــا تــوكد خبـــرها
ويـارب تجـعل جنة الخــلد لـي دار = وتـغـفـــر لنـفــس زاد فيـها زللها
في ســاعة ما فيه درهــم وديـنـار = كل يحصــد اللي بحيــاته زرعــها
تشهد جـوارحنا عليـنا بما صـــار = ويبين اللــي خافــي عن بشــرها
والخاتمة صلوا على سيد الابـرار = اعــداد ما يمـطر حقايق مطــرها

الشاعر بادي بن عبدالرحمن الخضراني

واجب علينا دعـوة سـر واجهـار ..... ونمشي على السنه ونترك بدعهـا

صح لسان الشاعر وسلم من نقلها

لاهنت ابو صقر

ابومحمد
صح بدنك
وشرفني حضورك الرائع
دمت بخير

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

بيض الله وجهك يابو صقر على نقل هذه القصيدة
الجزلة لاهنت

[table1="width:95%;"]

	المشاركة الأصلية كتبت بواسطة نافع الحربي

	بيض الله وجهك يابو صقر على نقل هذه القصيدة الجزلة لاهنت

[table1="width:95%;"]

صح السانك وبيض الله وجهك

صح لسانك
..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة سعد رجاء الحصني

	صح السانك وبيض الله وجهك

[table1="width:95%;"]