الليله الليله مع الشعار لي وجهه نضر

سالم العرم

سلام ياراع الحناكيه وياراع الحفر = تسليمتن تقرونها تسليمتن توحونها
الليله الليله مع الشعار لي وجهة نظر =لو تزعل الاصحاب ويبان الزعل بعيونها

فهد عواضه

يامرحبابا واعداد ماهلت هماليل المطر=اثني بها وافي بها موفيه ترضونها
اقدح سطر لن كان راسك فيه ياسالم سطر=والله تقدمها مقابلها ترا تلقونها

سالم العرم

بغيتها في زيد لكن حال من دونه عمر =لن انا ابقضي على روس العرب ومتونها
نا تراي مجاملك ليه سبوعين وشهر =والحين والله لطحن الحبه على طاحونها

فهد عواضه

اذ به عتب لحقه حضك يوم وداك القشر=ناس تدورها ترا لابدهم يلقونها
سو اللذي تقدر عليه الا اطلب الله الستر=بعض الهقاوي كم مخلوق يكوع دونها

سالم العرم

تقولها واقول صادق جابني يم الفقر =اثر الغناه الفقر مقعي ياجماعة دونها
ان جيت اطالع بالنتيجة لينها عشره صفر =وتقولي عكف الشوارب ما تعز دقونها

فهد عواضه

ياراي البنك المفلس جيت في سوق الدر=وبقد ماتملك تحصل سلعتن تشرونها
ان كان دققت النضر وان العشر ماهي عشر=صارت ثمان ناقصه وانتم ترا تحرونها

سالم العرم

الدرة اللي ماله فالسوق سوام وسعر =ليتك تخليها وانا صاحبك في كرتونها
العلم واضح والشهود اثنين من غير الصور =ياللي تعدون الحواحز كيف تتعدونها

فهد عواضه

ابشربخليها مادام ان لاضرار ولاضرر=وانسكتك فيها واانا يالاجودي مامونها
ان كان ونك ياجودي واحي وسامع لك خبر=منت بسامع غير عدل العلم مع مضمونها