ذيب العاقر تفضل

الذيب كنه ضايق مني ولاخابر سبب=واذ صح يدورله جدر قاسي براسه يصقعه
وين انت موفيت الطلب لو منت كفو للطلب=اللي بصدرك ياولد هالحين ليه طلعه

ترا من باب الميانه مع شاعرنا القدير ذيب العاقر
ومزوح تجي وتروح

كفوووووووووو وين ذيب العاقر وانا بصفه لاهنت

صح لسانك يافهد وهذا ردي لوني مرتبط مع ملعبه مع سليم الجابري ولا يحقلك تطلبني وانا بادي طاروق جديد تحياتي

فهد تغير ياجماعة خير من عقب اللقب =لايرتفع راسه علينا ثم احوسه واصفعه
لو كان زلت عنك والله غير اقول انت تعقب = لكن ابدرا صاحبي فهد العواضه واقنعه

طيب ماصار الا الخير صح لسانك واذا كملت مع سليم كمل

الحمدلله مالحقني لاملام ولاعتب=يااللي على جال الطريق احرفت واكلت رصفه
امرك يثير بصاحبك كل الغرابه والعجب=ليتك تصارحني ليا الماقف يعجز ماقفه

لابالله الا ابلعب معك لين يرد سليم وارد عليه

ياصاحبي وشفيك كنك بااااااااخر الليل تحطب = وماتلمسه يمناك ياراع المعاني تجمعه
ماهمنا وقت الملاقا من تحيزم واكترب = هذا جوابي يافهد انكان ودك تسمعه

ياذيب ياللي دوب تسمعه الاذان ليا قنب=خلك بضل السور كب العرف واهل المعرفه
بالقول مقدام وكفو بالفعل ياذيب تهرب=دعوى وحجتها عليك ان ماتكب اللفلفه

صح الله السنتكم

مر الطبيب الي يعالج كان بسموعك عطب =من شان صوتك ياقليل المعرف ماترفعه
بالاوله والثانيه والثالثه حااااااااامض عنب= لوتستشير من الحناكيه ثلاثه واربعه

ههههههههههههههههه اثريني جايب الكارثه


ليه مانبهتني الله يهديك


صح الله السانك والله لو هو بيت ولا بيتين يمديني عدلت القاف وكملنا الطاروق

صح الله السانك يالذيب

هههههههههههههههههههههههههههههه

بدري ياخوك جهدي علمتك بجمع الحطب مار انت جاى حدمان

وعلى طاري تراء الموضوع اللي قلتلي عجزت اعرفله

صح بدنك يابو عواضه وتقبل تحياتي اخوك ذيب العاقر