قصيده بالشيخ محمد بن غالب بن مقحم الذويبي

دخل الشيخ محمد بن غالب بن مقحم الذويبي
رئيس مركز البعجاء
مستشفى القوات المسلحه مركز الامير سلطان للقلب
على اثر جلطة في القلب واجريت له عملية وتكللت بالنجاح ولله الحمد
وقد قال الشاعر غزاي بن مطر الطريسي الحربي
القصيدة الاتيه :

ماباس ياعقـب الرجـال المشاهيـر =يابـو الفهـود اللـي بعيـد نظرهـا
خالـد وفهـد والعيـال المناعـيـر=الاسرة اللـي نفتخـر فـي فخرهـا
مقحم مـع سلطـان ماهـي دواهيـر =حمولـةٍ وامجـادهـا مانحصـرهـا
وغالب وعبدالله ومتعـب لـه أشيـر =شيـوخ نعـد فعالهـا ما انحصـرهـا
عقب الشيوخ اللي تشيـل المخاسيـر=عقب الشيوخ اللـي قديـمٍ سطرهـا
لعـل قلبـك مايجـي فيـه تخديـر=ولعـل قلبـك سالـمٍ مـن خطرهـا
يزول باس الشيخ ويعود فـي خيـر= للديره اللـي جعـل ينبـت شجرهـا
في عودته تفـرح جمـوع و طوابيـر=حتـى القبيلـة زال عنهـا كـدرهـا
هـذا الذويبـي لـه معـزة وتقديـر=في رحلـة علاجـه نتابـع خبرهـا
عسى النتايـج لـه بحسـن التدابيـر=وتطفي لهيـبٍ بالضمايـر سعرهـا
يجي بشير الخير في حسن التباشيـر=بالهاتـف والا بالجـريـدة نشـرهـا
محمـد غيـثٍ للوجيـه المسافـيـر=من راس غالب والمراجل صخرهـا
أبيـه ياقـف للقبيلـه كمـا الـزيـر=وان جات عليهـا قالـةٍ ماخصرهـا
يصفح عن الجاهل وله منطق(ن)غيـر=شيوخٍ تعرف امجادها مـن سيرهـا
شيوخٍ لهـم بالمجـد ورد ومصاديـر=وفعولهـم عنـد القبايـل خبـرهـا
أهل السيوف الحدب وأهـل البواتيـر=كم فارسٍ طشـوه وافخـت ظهرهـا
أهل مهار الخيـل واهـل الدواويـر=واهل بيوتٍ تنومـس اللـي نحرهـا
أهل الشجاعة والسيـوف المعاطيـر=سيوف تروي حدهـا مـن حمرهـا
إخـوان نـوره كانهـا بالعياطـيـر=لاشانـت الخطـر وبيـن كـدرهـا
بحد السيوف الحدب يشبع بها الطيـر=والخيـل منهـم يرتكبهـا قشـرهـا
ولهم على بعـض القبايـل مغاويـر=أمـا هـجـاد بلـيـل و إلا سفـرهـا
صولاتهم ترهب جمـوع وجماهيـر=جاهـم خبـر ان الذويبـي سبرهـا
راعي اللويصق يضرب الراس ويطير=والخيل مـن حسـه تزايـد ذعرهـا
يحدهم حد الضوامـي علـى البيـر=تاطا الحزوم النابيـه مـن وعرهـا
يهوي عليهم مثل ابـا زيـد والزيـر=كم غـارةٍ جمـع الذويبـي كسرهـا
يـوم القبايـل للقبـايـل مناحـيـر=وخيـلٍ تكاضـم بالاعنـه سطرهـا
خيـلٍ مظـراتٍ بصفـق المعاشيـر=تضرب على جمع العداء في نحرهـا
يـوم انهـا مابيـن حـواف ومغيـر=في ليلـةٍ غـدراء وغايـب قمرهـا
أيـام مـرت كنهـا مـن زمهريـر=أنا احمد اللـي فكنـا مـن خطرهـا
بحكم السعود اللـي تضـد الطوابيـر=عم الرخاء والنـاس كبـت قشرهـا
عم الرخاء والأمن ونواصـل السيـر=نعمه من المولى تبـي مـن شكرهـا
والشكـر للمولـى ولـي المقـاديـر=علام مـاب الكـون بـر وبحرهـا

الشاعر غزاي بن مطر الطريسي

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

مشكور على النقل و صح لسن الشاعر/ غزاي الطريسي و يستاهل الشيخ / محمد بن غالب

أشكرك عزيزي بدر الحربي

صح السانك

جعله في ميزان حسناتك

بارك الله فيك وتقبل مروري

مع شكري وتقديري لك يامميز
__________________

الحب الباقي
حميدان العوفي
عادل العلوي

اشكركم على المرور المشرف والذي اسعدني والله يعطيكم العافيه

لكم خالص التحيات والتقدير

بيض الله وجهك

بدر الحربي

صح لسان الشاعر غزاي الطريسي

والشيخ محمد غالب الذويبي يستاهل

وبيض الله وجهك ويعطيك ربي العافيه

سلمت اينما كنت

مشكور اخوي

ابن السفر

ابو صقر

صقر الجزيره

شكرا على مروركم الطيب وتقبلوا تحياتي