لاهان من هو قالها ..... ؟؟؟؟ بوح آخـر

مساؤكم شعر
عذرآ على الغياب
اليكم هذه القصيده .....
( لاهان من هو قالها )
.
.
.

الشعر عندي كلمةٍ تبقـى علـى مـر العصـور=تبقى على مر الزمن ..... ( لاهان من هو قالها )
أقول قولي وأنتخي وقـت المعانـي لـي بحـور=وأنادي بصـوت الشعـر منهـو يحاكـي حالهـا
هذي مشاعر صادقه من قلـب صـادق مايجـور=نبـراس نـورٍ للبشـر لاحـان وقـت أفعالهـا
الشعر ميـدانٍ لنـا وقـت الجهالـه والشـرور=وشلون مانلعـب بهـا لا .. لاح بـرق خِيالهـا
بلعب وأنا شبلٍ لهـم قـدّام نـاسٍ لـي حضـور=وإن ما رويـت نفوسهـم ياعلّنـي مـا أرقالهـا
دربٍ صعيـبٍ مايبـي الا الذيـابـه والنـمـور=واللي يهاب مـن الشعـر يقفـل عليـه أقفالهـا
ياماجد الوقت أمتلى إمـن الدسايـس والفجـور=والحاسـد اللـي غايتـه يبنـي عليهـا آمالهـا
ياقلـب صـادق طيـبٍ وبداخلـه كلّـه زهـور=يالوافي الصافـي علـى الدنيـا ونـار أهوالهـا
الذيب في صدري عوى وأتسطرت أحلى سطـور=والفكـره اللـي جاتنـي ماوقـفّـت مرسالـهـا
إن جيت أبذكر والدي يحتار وصفـي بالشعـور=عـزالله إنّـك سـيـدٍ للمفـخـره وأحوالـهـا
للرجل فينا مطمحٍ يرقـى علـى كـل الصخـور=وأنتـه علـى قمّـة جبـل يصفالـك وتصفالهـا
علمتني معنى الشعـر علمتنـي معنـى الظهـور=وأول رسالـة سقتهـا خلّـك خـلـوق قبالـهـا
إن كان جاتـك زلـةٍ خلّـك صبـور ولا تثـور=لاتاخـذك غلطـة خـوي بهبالـهـا وخبالـهـا
عمر النصايب مالها عـزٍ علـى ذيـك القبـور=العـزّه اللـي باقيـه إمـن الرجـال أعمالـهـا
بعض الرجال تشوفهم بأوصافهم مثـل الصقـور=فوق الجبـال اللـي علـت وأوكارهـا مدهالهـا
يبقى على عهدك وفـا عَـد الليالـي والشهـور=ويحسب حساب المرجلـه ويكيـل مـن مكيالهـا
وبعض الرجال تشوفهـم والـدم بـارد مايفـور=حتّى على أعراض البشـر دايـم علـى موّالهـا
وبعض الرجال تشوفهم وقت اللقا تعطـي دبـور=تكاثـرو كلمـة هـلا كنّـك بتـاخـذ مالـهـا
وبعض الرجال تشوفهم بمقابـلٍ يشفـي صـدور=لارحبّـت وهللّـت بالضيـف لامــن جالـهـا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الاخ طارق صح لسانك

بيض الله وجهك

صح لسانك مليووون

وبيض الله وجهك
لاهنت وفقك الله

صح اللسانك وبيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك أخوي / الحب الباقي

الله يعافيك وبيّض الله فالك

لاهنت على المرور أخوي

	المشاركة الأصلية كتبت بواسطة سعد المحمدي

	الاخ طارق صح لسانك

هلا بك أخوي سعد المحمدي

صح بدنك

لاهنت ع المرور

	المشاركة الأصلية كتبت بواسطة ابن السفر

	بيض الله وجهك

بيّض الله فالك أخوي إبن السفر

	المشاركة الأصلية كتبت بواسطة البلادي الحربي

	صح لسانك مليووون وبيض الله وجهك لاهنت وفقك الله

صح بدنك ياولد العم

بيّض الله فالك

ولاهنت ع المرور