اقرب شاعر ياحرب حياه الله

ياحرب وين العزوه اللي تقولون=
من يوم جيت اليوم ساري وممنون=
واقول ربعي صيتها مالي الكون=
والله عليم وقولوا اللي تقولون =

هلا مرحبا في شجرة مع ثمرها=صعد صيتها نجمة سهيل اليماني
وحنا نبي علم الوفا في خبرها=ترى الطيبه ياصاحبي شي ثاني

صح لسانك وننتظر الشاعر
الله يـعـطـيـك الـعـافيـــــــــــة
بيض الله وجهك

اوليه تسال يالولد وانت من حرب=
اللي يقودون الطوابير والسرب=
فرق مابين الطرح والجمع والضرب=
والله عليم وقولوا اللي تقولون=

يدوم البقا والله يزود فخرها = يزود فخرها يا عريب المجاني
تبي تاجد المطلوب داخل بحرها= اذا كنت من اللي يتقنون المعاني

مايسال الشاعر الا عن ربوعه=
يوم بعض الناس ماكمل سبوعه=
بالمنزل ثاني سمع ما يروعه=
والله عليم وقولوا اللي تقولون=

نبي ننحر القبله ونشرى مهرها=ونسمع نهار اليوم عط السواني
من يكرم الضيفان حبله قصرها=يالين الثلاث البيض تقضي مثاني

انته سؤالك دون راس ورجلين=
وبالمنزل الثاني ترانا سلاطين=
وانته ماتدري واكثر الناس دارين=
والله عليم وقولوا اللي تقولون=

تتبع طريق القوم واتبع جررها= علشان ماتغتر يالمودماني
امن يكرم الضيفان يعرف قدرها= وبعض السوالف تبحل الترجماني

الله يقويكم وصحت ألسنتكم
وحقك بياض الوجه يابو باسل
قمت بالواجب وازورد الله لايهينك

صحت السنتكم

انا سوالي بين الامتان له عين=
لكن قليل العرف يحتاج تمرين=
والحوت ماخاوا صغير الدلافين=
والله عليم وقولوا اللي تقولون=

حنا العرب ياشين نستر جررها=و جرتكم الزينه دفنها الزماني
وياليت ما تخطي وجنب وعرها=قبل يقبس البارود يالمعمداني

	المشاركة الأصلية كتبت بواسطة الحب الباقي

	صح لسانك وننتظر الشاعر الله يـعـطـيـك الـعـافيـــــــــــة بيض الله وجهك

وانت بيض الله وجهك
ومتابعتك شرف لنا

	المشاركة الأصلية كتبت بواسطة عبدالله الفريدي

	الله يقويكم وصحت ألسنتكم وحقك بيض الوجه يابو باسل قمت بالواجب وازورد الله لايهينك وخوينا خليل الشعر يبغاله معرفة قبل مايكون خليل الله يعينه

اخوي عبدالله

نشكر متابعتك ونقبل عتبك اخ وعزيز يابن عمي

الله يعطيك العافيه