( حنا بلينا بالجهاله والاقزام=لاصنفوهم رمز لهل الفهامه) مساجله

/
/
/
/
/
/
/
/
/
/
/
اخواني الكرام
هذه مساجله لي مع الشاعر/ عابد بن عبيد المدني
اتمنى ان تنال إعجابكم

ياعابد بن عبيد يانسـل الكـرام=ياشاعر ٍ بالجزل ينظـم كلامـه
صادق سلامي يكتبه حبر الاقلام=يحمل عظيم الشوق لهل الكرامـه
ياعابد الدنيا كم افنت من اقوام=اقوام كانت تشتهـر بالصرامـه
قل للذي بالوقت عايش بالاحلام=قله ترى وقتك صعيب ٍ نظامـه
حنا بلينـا بالجهالـه والاقـزام=لاصنفوهم رمز لهـل الفهامـه
بالتفرقه صرنا غنيمه للاخصـام=حيث اجتماع الشمل فيه السلامه
وترى البليد يعيش دايم بالاوهام=في شبته تعجـز تقلـه عظامـه
واللاش لو خاواك تنقد وتنـلام=ومناطح الغشمان يحسب غشامه
وانته محنّك راعي الطيب مقـدام=ياوارث ٍ طيب الخوال وعمامـه
العلم نورك والهدايـه بالاسـلام=واعمل ماحل الله واتـرك حرامـه

الشاعر/ خالد بن عبيد بن معتوق ألأحمدي
واليكم
رد
الشاعر/
عابد بن عبيد المدني

حي السلام اللي انتظرته من العام=ولبست له مشلح جديد وعمامـه
حي السلام وحي راعيـه مـادام=أهدى لنا شعره وجـل اهتمامـه
وافي جنـاب وللمعاديـن لطـام=وفي وقفته يشبه رواسـي تهامـه
من نسل قوم منجبت كل ضرغام=تاكـل عيونـه لألتثـم باللثامـه
ويامرحبا إعداد ماخـط مرسـام=وإعداد ماتبرق وترعـد غمامـه
بالصاحب اللي صار صانع ولحـام=للشعر متمكن وماسـك زمامـه
خالد ولد معتوق معروف لاقـام=كل ٍ يعده في خصـال الشهامـه
اتممت قولك يبن معتوق بإحكـام=واضح وضوح البدر ليلـة تمامـه
وهذي نصيحه تشبه الطير لاحـام=واقفى ولاعقب اثر فـي حيامـه
اصبر على عوج الليالـي والايـام=واجرك على الله في نهـار القيامـه
وترى الحياه تلم قايـد وخـدام=وتلم شجعان العـرب بالرخامـه
وبعض العرب يعجبك غتره ومرزام=واذا نخيته صـار مثـل النعامـه
هاوي هواوي يقضي الليل مانـام=يشكي من افراق الحبيب وهيامـه
والبعض الآخر قايم الليل صـوام=ماضيعه وقت ٍ كثيـر ٍ زحامـه
عسى النصيب يجيب مثله اذا قـام=والله لأربط غترتـي فـي حزامـه
والحر مثلك ينتقي بيـن الأقسـام=حر ٍ يعينه لاعنـا الوقـت ضامـه

صح لسانك ياشاعرنا الرائع صقر المراقيب
وصح لسان زميلك الشاعر عابد عبيد المدني
سلمت ودمت بدع رائع ورد رائع بيض الله وجيهكم

صح السنتكم وبيض الله وجيهكم

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك يابو عبيد وصح لسان خويك المدني

يعطيكم العافيه

	صحــت السنتكــم دمتم برعاية الله وحفظة

الف شكر لك
ياشاعرنا القدير
مضحي بن جمران

صح السنتكم وبيض الله وجيهكم

مساجلة شعرية جميلة صحت ألسنة الشاعرين وبودي أن أعرف الشاعر المدني من أي القبايل وسجلت ملاحظة بسيطة في صدر أحد أبيات القصيدة الرد الذي قال فيه الشاعر الصاحب اللي صار صانع ولحام وإنني أجزم بأن الشاعر لم يتنبه للمعنى المضاد لهذا الوصف وقال ذلك بحسن نيه أتمنى أن يكون صدر الشاعر واسعا ويتسع لهذه الملاحظه التي دافعها هو النصح لجميع المسلمين وشكراً

سعد المحمدي
الف شكر لك
وصح بدنك ياغالي