سليم الجابري ودنا معك بمرواس

سلام الله سلامٍ سليمٍ يرفع الراس= سلامٍ يشمل الملتقى واللي يروده
سليم الجابري ودنا معك بمرواس=وكلٍ يابيض الوجه ناره من زنوده

اهلا وسهلا اخي مضحي وفرصة سعيده وحياك الله وتفضل استلم الرد لاهنت

هلا يامرحبا من ضمير وقلب واحساس = تراحيب الوفا والشرف مهي محدوده
تفضل ياطويل العمر والهرج بقياس = ويبغى يبين وزن الذهب نقصه وزوده

مضحي بن جمران ,,سليم الجابري

حياكم الله وصح السنتكم وعساكم على القوه

صح لسانك لاهنت والله يحيك ويبقيك واستلم سلمت

يدوم الك البقاء والعلوم اللي مع الناس=تزين ان قاله الله وكلٍ من جهوده
يطولك يالعنب واحدٍ للغصن لماس=ومن لاطال غصن العنب مقضور عوده

تزين ان كان سلك الخطر مالامس الماس = يابن جمران كلٍ يدرهم به قعوده
سمعت علوم من يمكم والقلب حساس = ولقيت الباب مقفول وحبال معقوده

انا ادري وانت تدري لاجانا مثل جساس=تراء كلٍ يحط العلامه في حدوده
لكن ماظن بين الفعل والهرج مقياس=وراع الفعل فعله يكفي عن شهوده

	المشاركة الأصلية كتبت بواسطة ابو صقر الحربي

	مضحي بن جمران ,,سليم الجابري حياكم الله وصح السنتكم وعساكم على القوه

هلا وغلا يابو صقر الحربي وصح بدنك
اسعدنا وشرفنا هذا المرور النير لشخصك العزيز لاهنت

لاجات علوم وعلوم يابن الناس لاباس =ترى كلٍ على الحد بيجهز جنوده
اظنك مافهمت الخبر ياطيب الساس =وانا سامع خبر والخبر جتني جروده

ترانا لو خلطنا الذهب يالقرم والماس=يجي عقد الذهب مايوصف في عقوده
انا ماني خواجه ولاانت بجرج والياس=عساء من جابلك علم مانعدم وجوده

ان كانك ما انت للبحر سباحٍ وغطاس = اقول ابعد عن البحر لاتقرب حيوده
ماقلت انك خواجه ولا انته من عرب فاس =لكن البيت من يمكم شدوا عموده