اللغز(137)وشعيال بالعمل متكاتفين0=محلول= الدلو وملحقاته من نافع الحربي0

09-07-09, 04:03 PM

لغز لكن لغز

وشعيال بالعمل متكاتفين = اربعه وملازمين لاربعه
ثابتين ووضعهم متقابلين = يرفعون البنت واللي ترفعه
وصّلوها واثبتوها بالثنين = لاجل ترفع من وجوده منفعه
العيال من السفينه قادمين= والصديق الملتوي صاروا معه

09-07-09, 09:35 PM

حياك الله يابو خالد وبيض الله وجهك على اللغز السمين0

09-07-09, 11:02 PM


	المشاركة الأصلية كتبت بواسطة ابوخالد الفريدي


	لغز لكن لغز وشعيال بالعمل متكاتفين = اربعه وملازمين لاربعه ثابتين ووضعهم متقابلين = يرفعون البنت واللي ترفعه وصّلوها واثبتوها بالثنين = لاجل ترفع من وجوده منفعه العيال من السفينه قادمين= والصديق الملتوي صاروا معه

صح لسانك على اللغز السمين يابو خالد الفريدي
لكن الكتابه اعتمدها باللون الذهبي اوضع للي مثلي

واعزي لمن شوفه ثلاثه على تسعه=درع فالعدول وعكت السمن واطيها

10-07-09, 12:55 AM

صح لسانك
وش رايك بإطارات السياره الاربع

10-07-09, 02:37 AM

صح لسانك وبيض الله وجهك

مارايك بكالون الباب ويد الكالون والعيال الاربعة

المسامير المثبت بها يد الكالون ويد الباب

10-07-09, 06:36 AM

الله يحييكم جميعا اما انت يا مضحي كتابتك عجزت اقراها بالذهبي
لكن وشرايك نخلي شطر اسود وشطر ذهبي ههههههههههه
مع تحيتي لكم رمعاتكم كلكم اخطت لايزال البحث مطلوب

10-07-09, 07:01 AM

ابو خالد وش رايك في بلوف السياره او البساتم والاذرعه او قماشات السياره

الجدران والجهات الاربع والسقف او قواعد مضخة الاسمنت او الخلاطه

10-07-09, 12:35 PM

مارايك بكراسي مكينة السيارة ومساميرها والمكينة وعمود كردان والشاصيه

10-07-09, 01:44 PM

أبو خالد حياك الله واللغز سمين بزود
وش رايك في المركبة الفظائية : اللي يرفعنها الصواريخ
وهي ترفع القمر الصناعي :

10-07-09, 01:48 PM

ابو خآلد..
وش رآيك في قوآعد المكتب اللي ع الجنوب الأربع..
تسلم يالذيب على هاللغز..
لك ودي وفآئق احترآمي..
العبيدي..