لاتصبح العوجاء عليكم مقيمة

25-06-09, 10:47 PM

بسم الله الرحمن الرحيم
لا تصبح العوجاء عليكم مقيمة
هذه القصيدة لشاعر القبيلة :حميد حميد الحافي الرويتعي الحربي
وهي تحث قبيلة الرواتعة على الاجتماع وعدم التفرقه

ياربعتي يأهل العلوم القديمة=يأهل الشجاعة والكرم دايم الدوم
ماظنتي ترضون من أحد الظليمة=ولاهي عوايدنا ولاهي لنا سلوم
لاتصبح العوجاء عليكم امقيمة=رجالنا مايرقد الليل مظلوم
تلقا الحمية بالعقول السليمة=رجالها مع ربعته رجل محشوم
في صفهم تقوى معاه العزيمة=الربعة الي ماسعى بينها البوم
وياربعتي فرقا الرفاقة جريمة=وفضيحةٍ تحدا العواقل عن النوم
والعفو مكسب للوجيه الكريمة=ولايتبع الهفوات رجال صاروم
وانتم عوارف والعوارف حكيمة=تصفح عن الجاهل وتبعد عن اللوم
والي يريد الحق ناخذ وسيمه =نقبل يلو الحق ناقص ومثلوم
جمع الرفاقة مثل همال غيمة=مثل المطر ينزل على دار مرحوم
ذقنا التناحر ماكسبنا غنيمة= مانخدم إلا حي ماهم لنا قوم
اللي سعوا مابيننا بالنميمة=نخشى مساعيهم لنا قدر محتوم
العلم بان ومصدره من صميمة=عزي الربعاً بينها الحق معدوم
لاجل التحالف ماقبلنا الهزيمة=ياعيب ياحلفٍ على الأخو مرسوم
سجله التاريخ وقفة عديمة=أصبح مع الأجيال تاريخ محسوم
ياهقوتي ماهي علاقة حميمة=غير الحسد معروف راعيه مذموم
وين الرجال العاقلة والذميمة=رجالها عن مشهد الزور معصوم
الرجل مايغدر بليله عتيمه =ولاهو على درب الخطاء غصب ملزوم
حنا رجال اعقولنا مستقيمة=رواتعة ماهمنا الفرس والروم
ولاهمنا جل الكلام ورميمة=اصقور مايثر على رؤوسها الحوم
الحق له صاحب ايصالي جحيمه =لو صادفه بالدرب عثرات وهموم
وان طالت الأيام حقه لزيمة=لو حقنا بالبحر ناجدله العوم
ونواصل الدعوى مية مستديمة=ونهد دون الحق لو ضلع مزموم
ولايموت بالمربط ياغير البهيمة=ولا رجالٍ بينها الراي مهدوم
تعمي بعضها بالهروج العقيمة=واسبابها حب الكباره مع الزوم
والكذب للكذاب مهنة وسيمة=لو تنصحه عقله من الكذب مسموم
وصلوا على هادي أنفوساً سقيمة=نبينا اللي علم الناس بالصوم