أنا عزي شماغ أحمر وثوب أبيض وطاقيه ( أعتذار للسعوديات عن قصيدة اللبنانيات )

بسم الله الرحمن الرحيم


في البدايه تحيه معطره بروائح المسك والعنبر لأبناء عمومتي اجمعين
يطيب لي المقام بين من هم نبراسا للأدب والثقافه والعلوم فلكم من اخيكم
جل الاحترام وعظيم التقدير ..... واشكرا العزيز / فهد بن عيد على دعوته
الكريمه فألف شكرا له وللجميع



مصافحتي

هذه القصيده أعتذاريه .. عن قصيده وصف ملكه جمال لبنان

وعلى الله مايكون العذر أقبح من الذنب في وجهة نظر من يفهمني غلط

ولكن صدوركم الرحبه تزيد من عزمي على النشر والتواصل.




الواقع مؤلم والحياه دروس

لذلك حذفت منها بعض الابيات بعد توجيه من شخص عزيز على القلب

اليكم القصيده

يابنت أرجوك أنا مأقدر كفانـي ماضـي الغلطـات=أخـاف الله يعذبنـي وأنــا خــواف يابنـيـه
واخـاف ابساعـه اللـذه يجينـا هـادم اللـذات=ويأخذ من حشى جوفـي بقايـا روحـي الحيـه
أنا ليّه ثمان اسنين وأنا مدمـن علـى الشهـوات=ديار الفسـق حاستهـا مواطـي تحـت رجليـه
عيوني من كبـر همـي تخلـط الـدم والعبـرات=مِسيل الدمع مـن عينـي حفـر بالخـد ماريـه
صحيح إنك جميله بس تبنا مـن هـوى الزينـات=تركنا الحـب غصـب وطـوع للعيـن الشقاويـه
يابنت أنتي على بالك أبأخـذ مـن بنـات الشـات=أجل مجنـون أنـا يابنـت أشيـل العقـل بيديّـه
ترى أكبر شيء يربطني مِعك جوال ابو شاشـات=وهاتف ينقـل أشواقـي علـى نبـرات سلكيـه
وترى كل العلوم اللي عطيتـك بالهـوى كذبـات=وحتـى دمعتـي يـوم الفـراق الصعـب كذبيـه
هذاك اليـوم ماهلـت عيونـي لجلـك الدمعـات=لأن الدمـع ماينثـر بقـصـه حــب وهمـيـه
أنا أضحك مِعك واضحك منك وعليك أكثّر الضحكات=كأنـي بالهـوى جـنـي يعـبـي راس جنـيـه
وأنا ماني بخكري يلبـس القمصـان والشرتـات=ويفـرح قلبـه المسكيـن إذا حـب الدوينّـيـه
أنا من لابـةٍ أروت ضمايـا سيوفهـا الغـزوات=خلايا جسمـنـا عـاشـت عـلـى دم القبيلـيـه
ودهنتي شعرك الاسـود بألـوانٍ مـن الصبغـات=وعيـت تقبـل الصبغـه ملامـحـك الخليجـيـه
وحشرتي ردفك المسكيـن بالبنطـال والجنـزات=خلاقـيـنٍ تصنّعـهـا مـزاجـات اليهـوديـه
عشاني ميتٍ فـي ثغـرك الأحمـر أبـو لمعـات=تحسبينـي أبرضـخ لـك لأن إشفـاك ورديــه
ورب الكون مأرضى فيك لو إنك شيخة الحلـوات=وإذا صمل علـيّ العلـم أكـب ارض السعوديـه
يابنت الناس عزك فـي سـوادٍ يستـر العـورات=وعزي في شماغ أحمر وثـوب أبيـض وطاقيـه
سعودييـن نفخـر فـي عبايـات السعـوديـات=نغـض الطـرف إجـلالً إذا شفنـا السعـوديـه
وخليجييـن نفخـر فـي عبايـات الخليجـيـات=نغـض الطـرف إجـلالً إذا شفنـا الخليجـيـه