ما فيه حكة راس (محاوره مع الشاعر محمد بن موسم)

هذه المحاوره جرت بين قابل البشري وبين الشاعر محمد بن موسم في منتدى ابو مشعاب

قابل البشري=
سلام الله نمـده بالوفا ما فيـه حكـة راس=على ربع بطيب ا قوالهـا دلـت فعايلهـا
تحية شاعرن مايدخله في هاجسه وسواس=يصيب الصايبة نيشان والاهداف ياصلهـا
محمد بن موسم=
هلا يا مرحبا ترحيب يقنعبه جميع الناس=نسوقه للرجال اللـي يشرفنـا مقابلهـا
تراحيب البقيلي رافع الهامه جويد الساس=ليا من قال له كلمه يقال ونعـم قايلهـا
قابل البشري=
الاتبقا وراع الطيب مايشكي من الافلاس=ومن هوقدم الجزلة يبا يلقـى عدايلهـا
الا وانعم بكم ماقول فيكم والرجال اجناس=كلام البشري اللي لاحكمها حكم يفصلها
محمد بن موسم=
عسى ربي يحييكم ويمددكم بقـوة بـاس=ومنهـو يرتكـي للكايـده لابـد يحملهـا
على نور القمر نسري ولايصلحلها مجلاس=لكنك حـدد الطرقـه ولا تخطـي دلايلهـا
قابل البشري=
تمعن فالزمان اللي غدا مشيه بدون قياس=وصارالخصم قاضي حجة المظلوم يبطلها
وكلن شاف عنتر بعد جاه العلم فالقرطاس=محاصرفي مضارب عبس رجله مايطولها
محمد بن موسم=
انا اشوف الليالي يا صحيبي وضعها منحاس=لكـن الله يعدلهـا عسـى ربـك يعدلـهـا
الا يا صاحبي منهو يقرب كهربه من مـاس=ولو تبغى الحقيقة خبـزة الرفلـه وتاكلهـا
قابل البشري=
نواقيس الخطر يامعتبرتقرع لك الاجراس=تدور الدايرة حسب الذي قيد قي جدولهـا
وراع الراس لادنق دنا للحلق والامـواس=وراس غليص ذاك العام ضحوابه سوافلها
محمد بن موسم=
ترا ما فيه احد يا صاحبي يامـن مـن الانجـاس=لكـن اخـذ الحـذر والنـاس لا تامـن حبايلهـا
وراس غليص روح عند من يضرس عليه اضراس=تولـوه الحونشيـة ومــات ومــا توسلـهـا
قابل البشري=
اليااجـاك القـدر مـارده البيبـان والحـراس=يصـلـك تقـفـل البيـبـان ولاماتقفـلـهـا
واخاف الصحن داير دورته والكاس نفس الكاس=وسمه كيف يحيـي نـا س والباقيـن يقتلهـا
محمد بن موسم=
ليا جاك القدر لو كان تجلس من ورى متراس=لكنـك فـي حياتـك حـاول انـك مـا قللها
جبال طويق ما تهتز خلـك مبعـد الارمـاس=ومنهـو يقـرب النيـران لابـد يتحملـهـا