ياأهل ترى يشبع اللي بالهوى جاعي!!؟

يابو عيونٍ هدبها سود ووساعي=تكفى تجمل تراني رايحٍ فيها
بعض الحركات والله مالها الداعي=اللي عليه وأنا أحبك تسويها
أعرف سلوب اللكاعه والتلكاعي=لكن أجامل على شأنك وامشيها
أشعلت نار المحبه بين الاضلاعي=وتركتها عمد ماودك تطفيها
وأقفيت عني وأنا محتار بأوضاعي=ماغير اكيل الروابع وش تواليها
ياأهل ترى يشبع اللي بالهوى جاعي=ولا مع الجوع يهلك في مضاميها
سلهامتك بالعيون تنقض أوجاعي=سود النواعس تضيع من يراعيها
ارحم تراني من الحرمان ملتاعي=ياكبر لوعة غرامك بس اخفيها
تنام وأنا الفجر يذن وأنا واعي=ارجيك يامسبب جروحي تداويها
افرك كفوف الندم واطقق أصباعي=عل وعسى ميت الامآل تحييها
صبري قضى والعمر من سبتك ضاعي=إلى متى وأنت روحي معك مشقيها
اما تجمل معي يازين الاطباعي=ولا إترك الروح فيها مامكفيها
مافيه داعي تعذبني بلا داعي=تأخذ من الروح وأنته ماأنت معطيها

صح لسانك


يابو عواض


على هذه القصيدة



بانتظااااااار جدبدك

لاهنت وصح السانك

تقبل التقدير والاحترام

وفقك الله

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك يالغالي
وبيض الله وجهك

تحياتي وتقديري
عاشق بريده

صح الله السانك


قصيدة عانقة السماء بجزالتها وأبداعها

تحياتي لك

الاخ عوض عواض الغيداني

صح لسانك.ابداع متميز واسلوب خاص بك

تقبل تحياتي واعجابي

صح لسانك يابوعواض انت دائما مبدع وجزل الله يسلمك0
بانتظار جديدك--