,,..((الشوارع والمدينه))..,,

السلام عليكم


اتمنى ان تعجبكم وأن تتحفوني بنقدكم البنّاء
لكم خاص ودي

.,::الشوارع والمدينة::.,

عافت عيوني السهر و العمر توه في سنينه=وأنطفت شمعة عذابي وياهني سباتي
وانتهت رحلة عذاب وانتهى الليل بسكينه=غافل ما كنت احسّب للجفى دوم بسكاتي
وارتحلت وانتسيت دار الشوارع والمدينه=وتنكتب قصة عذابي وبعدها هذي وصاتي
العمر مرات ترحل والدموع ذكرى غبينه=ويا بقى ها لليل اذكر لهم موصى مماتي
ذكره بطلعت هلالك والنجوم عبرة حزينه=ذكره..لاغبت تكفى لجل ضحكة شفاتي
والرجا لامت ابكي دمعت الحب السجينه=واكتبه فالقاف كلمة هذي قصة حياتي
وابتدي قاف الرثا والعمر لاجلك رهينه=وتنتهي قصة حزينه بين قلبي وذكرياتي
عاشها شاعر تمكن بالقلم يرثي ضنينه=وانكسر قافه بعبرة عانقت صفحة رثاتي
ياقصيدي ارتحل وامتطي ظهر السفينه=والرجا نسيان قصة عشتها ويّا ضناتي
ابتسم للجرح تلقى بسمتك دار ومدينة=وتفرحك فالدرب دايم وتنتسيك لحظاتي
الضوى لاضوى تراه بتعقبه ظلمه مشينه=والحزن لوطال دمعه بينتهي بفرحاتي
حكمة ربي شرعها للعمر حتى تزينه=والسفر اصبح لقلبي للأسف قارب نجاتي
ببتعد وأنسى سنين عشتها وعيني حزينه=والقلم واللي سطره قصة تروي سكاتي
والشعر تبقى ملامح صورته دايم رزينه=وببتدي للبعد مقصد وانتهى وياه ذاتي

الشعر تبقى ملامح صورته دايـم رزينـه
وببتدي للبعد مقصد وانتهـى ويـاه ذاتـي


صح السانك وبيض الله وجهك

جريح الفرقا


صح بدنك وبيض الله وجهك عالمرور
ماننحرم منك يارب



مشهور

ابتسم للجرح تلقـى بسمتـك دار ومدينـة
وتفرحك فالدرب دايم وتنتسيـك لحظاتـي




غير البشر

صح لساااااانك

احساس ليل



صح بدنك
لاعدمنا تواجدك ان شاء الله


مشهور

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك


الف شكر لك ووجهك ابيض يابن عمي
لاعدمناك