( محاورتي مع الشاعر/ حامد علي سالم الاحمدي)

اخواني هذه
محاوره
انقلها لكم
من منتدى مجالس ألأحامده
وهي محاوره
جرت بيني وبين اخي
الشاعر/ حامد علي سالم الاحمدي
المير العام لمنتدى مجالس الاحامده
واتمنى ان تنال إعجابكم

خــالـــد عــبــيــد =
اسمع ياحامد كـلام (ن) جـد = مايحمـل الـزور والبهـتـان
أحرق فـؤادي عـذاب الـود = واشكي من البيـن والحرمـان
حامد علي=
انـا أسمتـع يااصيـل الجـد = يامرتقـي عالـي الضلـعـان
لابـد جـرح الهـوى يضمـد = بس إرتجي الواحـد المنـان
خــالـــد عــبــيــد =
أرسلـت لـه واحتريـه يـرد = والظاهر انه نـوى الهجـران
والصبر طـول وبـاح السـد = مافادنـي فالهـوى كتـمـان
حامد علي =
مـادام مـا يستمـع ويصـد = الحـل يـا صاحبـي نسيـان
باب (ن) يجيب الهواء ينرد = قالوه فـي سالـف الأزمـان
خــالـــد عــبــيــد =
راع الهوى دايمـاً فـي عنـد = مايطيع نصح (ن) من الصدقان
على الأسى والسهـر منحـد = له حال تعرف كمـا العـودان
حامد علي =
لاهاج مـوج البحـر وأشتـد = والجو أظلـم علـى الربـان
ينـزل شـراع اليخـت ويلد = ويصير يبحث عـن الشطـان
خــالـــد عــبــيــد =
طـور العنـا اعتلـى وامتـد = والقلب تصـلا بـه النيـران
وأصبحت في حـال مايحسـد = مافـاد طـب البلـد عشقان
حامد علي=
هيا استمـع ياصقـر للسـرد = لاتصيـر فالمسألـه حيـران
راعي الهوى مايذوق الشهـد = دايـم تـرى حالتـه شقيـان
لابـد هـذا العـنـا يـوأد = وتهنـي الـروح و الوجـدان
هـذا الجـواب اكتبـه واعـد = فالك هنـا ياصقـر شيهـان

وياصحابنا سامحونا

صح لسانك ياصقر المراقيب وصح لسان زميلك حامد على الاحمدي ومحاوره رائعه وشيقه وممتعه بيض الله وجيهكم سلمتم ودمتم وادام الله لكم هذا الابداع الجزل وتقبلو صادق الود مني والتقدبر

شكرا ً لك أخي مضحي بن جمران
دائما ً ماتشرفني بالمبادره بالرد
على اطروحاتي

صح لسانك ياخالد وصح لسانك ياحامد وبيض الله وجهكم

قابل الصقير

صح بدنك اخوي قابل الصقير
بالنسبه لي ونيابة ً عن ابن عمي حامد على الاحمدي
شرفني مرورك

سلمت يا صقر المراقيب

صح لسانك و لسان شاعرنا القدير حامد الاحمدي

و بيض الله وجيهكم

لحن جميل و راقي ... معنى و مغنى

و الله يعطيكم العافية

سلمت يا صقر المراقيب
صح لسانك و لسان شاعرنا القدير حامد الاحمدي
و بيض الله وجيهكم

مشكور اخي / عبدالعزيز الزويهري
انت انيق بشعرك وردودك وحضورك شرفتنا ياعزيزي
.................................................. ..........................
ابو مشاري
صح بدنك
وكلي شرف بماكتبت ياالقرم