محاورة بين الشاعرين علي هليل الحربي وابوروان النويمي

على هليل الحربي=
سلام تسليمةٍ لابن نويمي بها=اكبر من الحصه الي من نصيب الأسد
الدره الغاليه عندك وتحري بها=والسوق مافيه غير اللجلجه والنكد
ابوروان النويمي=
يامرحبا ترحيبتـأ ترجـع لمـن جانيبهـا=تصبح مثل الديره اللي تحتها صوت الرعد
ودي يابـن هليـل الباقيـه تسريبـهـا=والسوق هابط مـاوراه ياغيـر الحسـد
على هليل الحربي=
ياطيب كل السوالف منك ياطيبها=وبنت الهلالي ترى ماجابت الاولد
اقلوب بعض البشر ماينعرف غيبها=لاقام حظ السنافي حظ غيره قعد
ابوروان النويمي=
يامرحبابك عدد طرقتأ تمشـي بهـا=ومخيله والبروق وصوتها والرعـد
يابن هليل ترى اعلوم نسري بهـا=والسوق عامر واللي بنا ياكود اجتهد
على هليل الحربي=
ضلعان نجد العذيه عاويٍ ذيبها=والي ورى الحد وده ياكل من النجد
الله يفك الخلايق من عواقيبها=ايام فيها شقى وايام فيها سعد
ابوروان النويمي=
ضلعان نجد العذيه خلي مطاليبهـا=واللي بعدها ترى بيني وبينك عهد
يازين ذا الذيب لاحضرو معازيبها=لاحضرو ارجالها لاشك فيها صعد
على هليل الحربي=
العلم الاول مضى وعلوم ماليبها=كد قالوالناس بالامثال فرق تسد
علة عليل الضماير كيف تطبيبها=مانرضي الناس لونكتب لهم يعتمد
ابوروان النويمي=
ياصاحبي اعلومنا لابـد ماتقفيبهـا=اولها فرحكم وتاليها صـارت نكـد
الناس طماعه هذا وانا ترى عهديبها=اللي شكا واللي بكا ولا فيهـم حمـد