محاوره بين فلاح صياف وحمدان العصيمي

حمدان العصيمي =
يافلاح السحيمي رشحوك الحـروب=فارسٍ تنطـح الهجمـات وتردهـا
مار حر الشمال يدف برد الجنـوب=والروابـع تعمـر بيـوت وتهدهـا
فــلاح صـيـاف السحـيـمـي=
والله إنا رجال مغلقـة كـل نـوب=وانت حضرت لك سكيـن وتحدهـا
يالعصيمي ليا ضاقت علاك الـدروب=مـد يمنـاك ياحمـدان ونمـدهـا
حــمـــدان الـعـصـيـمـي=
مايقوي عزوم النار غيـر الهبـوب=وانت ودك وبعض النـاس ماودهـا
لبسوك البدو غترة ومشلح وثـوب=والمطيـة وسيمتنـا علـى خدهـا
فــلاح صـيـاف السحـيـمـي=
ماحسبنا حساب منفخيـن الـذروب=لو تطلع علـى الأريـاع وتسدهـا
شفت نار العصيمي يوم شبت شبوب=وان حضرنا نوقفهـا علـى حدهـا
حــمـــدان الـعـصـيـمـي=
الصراحه تعبر عن نظـاف القلـوب=عدها راس مـال وصبـح ترتدهـا
انت هذا السنه ماانته صري الذنوب=اثـرهـا دورة الأيــام لابـدهـا
فــلاح صـيـاف السحـيـمـي=
لو تبعت الحقايق ما مليت الجيـوب=كـل نـاسٍ نلبسهـا علـى قدهـا
لو تضيق المواقع ماتضيق القلـوب=والعصيمي نطحهـا مـار ماصدهـا
حــمـــدان الـعـصـيـمـي=
انت مالك على ظهر السفينه ركوب=مار ما للمحايل ضد غير الدهـاء

ودمـــتـــم بــخــيــر..



منقول من موقع الشاعر