ردٍ على جزل الكلام الفريدي

02-06-08, 09:38 AM

poem font

إن كان تنشد يا نداء عن جديدي=خذ القصيده وإقرها لا عدمنـاك
مابه جديدٍ كـود علـم وكيـدي=لك بالوفاء ياللي فعلته بيمنـاك
يا وافيٍ عبرت لـك بالقصيـدي=عشرة عمر مايوم شانت مزاياك
دايم وهقواتـك لشـئٍ بعيـدي=للطيب دايم سير رجلك وممشاك
صداقتك ماهي بوقـت وتبيـدي=والله ماني قادر أصبـر بليـاك
مالي مصالح كود رفقة عضيدي=ياكاسب الطيب لطيبك كسبنـاك
والله ما اعبر واقول النشيـدي=أبغى مصالح منك ياجعلي فداك
إلا أفتخر في رفقتك يا سنيـدي=لا والذي يعلم خفاي وخفايـاك

[/poem][/poem]الشاعر هايف معجب الغيداني [/poem]
وهذا هو ردي على قصيدة الاخ العزيز والصديق الحميم هايف00

يومٍ لفا برسالتك يوم عيدي=هلت هماليل الفرح عقب الادراك
وكتبت لك ياللي بشعرك تجيدي=يالشاعر اللي عندك الهام وادراك
ردٍ على جزل الكلام الفريدي=اللي وصلني منك يحمل هداياك
جزل المعاني ماتجيب الزهيدي=جزلٍ بمنطوقك وفعلك ومعناك
حكيم ومحنك ورايك سديدي=وكل العلوم الغانمه ماتعداكِ
يالله عساك تعيش عمرٍسعيدي=ياطيب الرفقه عسى الله يحماك
ويالله عسى عمر الصداقه مديدي=بين الرجال الطيبه مثل شرواك
ياللي عن دروب الوفاء ماتحيدي=هذا دليل اصلك وساسك ومنشاك
حبل الصداقه ياابو بندرجويدي=ماينقطع لو حاول عداي واعداك
تبقى رصيدلي وانا لك رصيدي=جعلك تدوم اليا بغيناك نلقاك
وانا رفيقك بالزمان الشديدي=اسلاح ماتعطيه يمناك يسراك
نافي مع الوافي وقدره يزيدي=وتافي يابو بندر مثل ماعهدناك
امدحك يالوافي واكرر واعيدي=ولو ما انت كفوٍللمدح ما مدحناك

02-06-08, 10:02 AM


	المشاركة الأصلية كتبت بواسطة نداء الغيداني


	poem font إن كان تنشد يا نداء عن جديدي=خذ القصيده وإقرها لا عدمنـاك مابه جديدٍ كـود علـم وكيـدي=لك بالوفاء ياللي فعلته بيمنـاك يا وافيٍ عبرت لـك بالقصيـدي=عشرة عمر مايوم شانت مزاياك دايم وهقواتـك لشـئٍ بعيـدي=للطيب دايم سير رجلك وممشاك صداقتك ماهي بوقـت وتبيـدي=والله ماني قادر أصبـر بليـاك مالي مصالح كود رفقة عضيدي=ياكاسب الطيب لطيبك كسبنـاك والله ما اعبر واقول النشيـدي=أبغى مصالح منك ياجعلي فداك إلا أفتخر في رفقتك يا سنيـدي=لا والذي يعلم خفاي وخفايـاك [/poem][/poem]الشاعر هايف معجب الغيداني [/poem] وهذا هو ردي على قصيدة الاخ العزيز والصديق الحميم هايف00 يومٍ لفا برسالتك يوم عيدي=هلت هماليل الفرح عقب الادراك وكتبت لك ياللي بشعرك تجيدي=يالشاعر اللي عندك الهام وادراك ردٍ على جزل الكلام الفريدي=اللي وصلني منك يحمل هداياك جزل المعاني ماتجيب الزهيدي=جزلٍ بمنطوقك وفعلك ومعناك حكيم ومحنك ورايك سديدي=وكل العلوم الغانمه ماتعداكِ يالله عساك تعيش عمرٍسعيدي=ياطيب الرفقه عسى الله يحماك ويالله عسى عمر الصداقه مديدي=بين الرجال الطيبه مثل شرواك ياللي عن دروب الوفاء ماتحيدي=هذا دليل اصلك وساسك ومنشاك حبل الصداقه ياابو بندرجويدي=ماينقطع لو حاول عداي واعداك تبقى رصيدلي وانا لك رصيدي=جعلك تدوم اليا بغيناك وانا رفيقك بالزمان الشديدي=اسلاح ماتعطيه يمناك يسراك نافي مع الوافي وقدره يزيدي=وتافي يابو بندر مثل ماعهدناك امدحك يالوافي واكرر واعيدي=ولو ما انت كفوٍللمدح ما مدحناك

صح لسان الشاعر هايف معجب الغيداني وصح لسانك يانداء الغيداني وبيض الله وجهيكم على جزل الكلام ودام الله بينكم رابط الصداقه المبنيه على الاحترام المتبادل ونبل الاخلاق والبعيده عن التملق والتزلف والمصالح الخاصه لاهنتم وافين والوفاء من شيمكم يالغياديين

02-06-08, 10:02 AM

الشاعر نداء
صح السانك والسان هايف قصايد جزله الله يعطيك العافيه وجهك ابيض

02-06-08, 02:05 PM

ياسلام

عليكم جميعا

ابدعتم

قصائد جميله

للغايه

تحيااتي لكما

03-06-08, 12:45 PM

يانادر الشعر الجزيل الفريدي=عند او بندر وابو سامي لقيناك
مثل اللحام اللي يقص الحديدي=ماهو خطو شرشور لو شب ماارضاك
دوموا على عزٍ ورايٍ سديدي=وصح السنتكم عد دورات الافلاك

دم بعز وتقبل إجلالي