حفارة الأبيار مغلية الأسعار

السلام عليكم ورحمة الله وبركاته

حدثت مناقشه بيني وبين أحد الأشخاص ثم تطرقنا إلى عزوة حرب ( حفارة الأبيار ومغلية الأسعار ) ما معناها إلى أن قال إن كلمة مغلية الأسعار فيها نوع من الذم معتمداً على قصه ذكرها .

ولكنني لست مصدقاً له بل معارض ومن باب التأكد أرسلت هالأبيات إلى الأخ والشاعر فواز الزويهري لأن العم لا يؤخذ إلا من مصادره ولاهو قصور في الباقين .

والله يجزاه بالخير ما قصر رد وما طول .

وإليكم الأبيات :

سلام مثل المسك لا فاح فالدار =في مجلس(ن) لشيوخ حرب الذهينه
سلام ياشيخ القصايد والاشعار=اعداد مايروى المطر من مدينه
أنشد عن اللي دوم ينقال فجهار =عن كلمة منها القبايل حزينه
حفارة الأبيار مغلية الأسعار=وش هو صداها يازبون الثمينه

الرد

يامرحبا ومعناك فواح الأزهار =جات الرساله فوق ظهر السفينه
اسمع معانيها وللقول بيطار =وادحظبها خصمك ويلقى غبينه
حنا لنا العذبات ونمير الامصار =بغداد ونجد وعاصمتنا المدينه
ناخذ على التجار في دارنا ابكار =لجل الحمايه والعهد حافظينه
حرابة الدوله قواصير الاعمار=أهل المنازل والورى حاكمينه

نمير : نصرف

صح السانك ولسان فواز الزويهري وبيض الله وجيهكم
والمثل هو : ( شرابة الأبار مغلية الاسعار ) وليس حفارة الأبيار حسب معلوماتي
وتقبلوا مروري وتحيتي وتقديري

مرحبا اخوي فهد وصح لسانك وصح لسان الزويهري


والمث كما هو معروف شرابة الابار وليس حفارة الابار


ونحن مثلنا الاول حرابةالدول


شكرااا

صح لسانك و صح لسان الشاعر / فواز الزويهري

و مثل ماقال اخي/ عامر الحربي
المثل / شرابة الابار مغلية الاسعااااااار

	صح لسانك مليون على الابيات وصح لسان الشاعر فواز الزويهري والله يـعـطـيـك الـعـافيـــــــــــة بيض الله وجهك

صح لسانك و صح لسان الشاعر / فواز الزويهري

والمثل اللي أنا اسمعه دايم شرابة الابار مغلية الاسعار

صح السانك ولسان فواز الزويهري وبيض الله وجيهكم

وكما ذكر الاخوان
والله يعطيك العافيه اخوي فهد

,
,
,
صحت السنتكم

ابيات جميله

بيض الله وجيهكم

اتمنى لك التوفيق

اخيك ابو فياض النويمي

صح لسانك أخوي فهد ولسان الأخ فواز

الحقيقة لدي تحفظ على مثل هذه المقولات التي لاتستند إلا على رأي شخص الجميع يعرف منهو ويعرف منزلته لذا هو وجهة نظر شخصية وليس تعريف لقبيلة .

أما حرب حرابة الدول فهذا أتي بعمل بطولي لايستطيع فعله الكثير وليس كلام شخصي .

شكرا لك

فهد اليوبي
صح لسانك والله يطول عمرك
الشاعر الرائع فواز
صح لسانك
وبيض الله وجهك يالذيب
وحرب حرابه الدول