((موال)) مبروك ابوناب وصياف السحيمي

ليلة الليله تراها ليل عيد=جابت اللي من قريب ومن بعيد
كان ماجاتك مكسرة الحديد= (لاتقول النوم اخير من الصلاه)
السحيمي غير الخط القديم= مايخاف من الله الرب العظيم
واحدٍ ماهو فدينه مستقيم= (يحسبن النوم اخير من الصلاه)
هبت الحايه مطيرة الذرا= واسفهت للوجه الابيض واسفرا
واحدٍ حط المجانين خشرا= (لايقول النوم اخير من الصلاه)
شفت خلق الله تحاذف بالحجر=والسيول تسيل والعقل انفجر
والشرور اللي يجر الباب جر= (يحسبن النوم اخير من الصلاه)
..الفارس اللي يعتدي ويناطح القوم= يتعب كبار القوم ماتكسر عصاته..
يوم زلزال الصواقع والرعود= انته اللي خنت ميثاق العهود
من هذاك الوقت لا هذا المدود= (تحسبن النوم اخير من الصلاه)
عام الاول يوم ذاك النوء صاب= يوم جت من دونكم عشرين باب
من بعد شيبت رديتك شباب== (لاتقول النوم اخير من الصلاه)
انت يامبروك فكرك فحركه=لانعقل شعيل لين تبركه
وان لحقك المنع قول مدركه= (لاتقول النوم اخير من الصلاه)
اسمع الحيه وخل الميته= السوالف من زمان مبيته
بعد جاتك من سماك محيته= (لاتقول النوم اخير من الصلاه)
مايثيبك واحدٍ عنكم شرد= لايجي قدمك ولا جاللك بعد
بعد ماجاتك مكسرة العمد= (لاتقول النوم اخير من الصلاه)
ريوس القشرا وناظر وش وراك=كان قدمت الصحن تسلم عشاك
لو معاكم عقل ماتشقر عصاك= (لاتقول النوم اخير من الصلاه)