ياثالث الاثنين مسيت بالخير

اعزائي المتابعين أيليكم هذي القصيده موجهه لبو طلال
الشاعر غازي الزغيبي ورجو بعد مايطلع عليها يطرح رده

ياللي من العارض مشيتو محادير=تريضولي لين أرتب كلامي
تريضولي ساعتن يالمناعير=وتجملوبي والحقوني مرامي
وخوذوا سلامن مثل در الاباكير=في ضف من يثنون دون الجهامي
ودوه يم مصخر القاف تصخير=تكفون ودوا الزغيبي سلامي
وليا لفيتو عند غازي خطاطير=كولو كرامتكم بيت الكرامي
تلقون شغموم ن يدير المباهير=ويكثر الترحيب والاهتمامي
وتلقون بالمجلس ضيوف ومسايير=وكلن على التقدير والاحترامي
ياثالث الاثنين مسيت بالخير=ولاني بمكلوف (ن) بعد الاسامي
خايف يصير بصافي الجو تعكير=وتصير دعوانا فطور الصيامي
والشك زايل يازبون المخاسير=ولاني امبرق في جنايب حزامي
والله ماغبط اللي يشيل البواكير=مادام لي سيف(ن) يقص العضامي
لو حسب الزراع عزوا العصافير=ماقام ياغازي بزرع النوامي
لي قصةٍ كثرت عليها التفاسير=وحرم بها جايزوحلل حرامي
قصة تحير صاحب العقل تحيير=واصبح لها في كل سوق ازدحامي
وانا مصدرها من الفكر تصدير=ورافع علمها فوق روس الزوامي
لاكن عليها يطرقون النواظير=ناس(ن )تيدم في محل اليدامي
في غيبتي يطلع لها طابع (ن)غير=ويطلع لها راعي حميه يحامي
ونشت من القبله مزون ن مزابير=حي السحاب اللي يروي الضوامي
والثانيه عمهوجت(ن سنها صغير=طلت علي املثمه بالثامي
غندورت(ن ماهي بمثل الغنادير=منها كبر حملي وعزت مقامي
واخذت وقت وصار بالجو تغيير=وعود شوي شوي يجلا الغمامي
وصورت لك ماصار بالفكر تصوير=وارسلت مكتوبي وبصمه بهامي
ياشاعر(ن شعرك يشوق الجماهير= عساي معك أقوم في نصف زامي

هلا وغلا يابوفارس

صح لسانك


والله يبيض وجهك على القصيده الجزله والتصوير الرائع..

وننتظر رد ابو طلال ..........

صح لسانك قصيدة جزلة ونتنظر ابو طلال

الشاعر العلم /علي الحصني

يعلم الله ان هذا القصيد اللي ينشفق عليه

أقول قصيدة بمعنى الكلمة وأنا عند الله صادق

الله يديمك واللي شرواك يثقلون رصيد الشعر


صح لسانك وبيض الله وجهك

وأبو طلال عزالله انه كفو ويستاهل الطيب راع الطيب

ومن أكبر الشعراء اللي نفخر بهم

دمتم على المعزة

صح لسانك وانا اخوك على هلقصيدة الأكثر من رائعة

ابيات في غاية الروعه

صح لسانك ثم صح لسانك وتعلى شانك

اشهد انك جزل


لاهنت يالقرم

تحياتي وتقديري

صح لسانك يابو فارس
وبنتظار أبو طلال

الله الله عليك

صح لسانك


قصيده رائعه وتستحق الاعجاب من شاعر متمكن


لاهنت


تقبل تحياتي

ومن قال سالم و غانم

صح الله لسانك

قصيدة رائعه بحق

تحياتي

اخوك

صح لسانك اخوي / علي
وقصيدة رائعه وجزله من راس جزل
ونحن بانتظار رد الشاعر / غازي ...
دمت بخير