لولاي أسلي خاطري

السلام عليكم .. عادتن مانشر قصايد غيري
لاكن هالمره القصيده لي
اتمنى ان تعجبكم .. واتقبل توجيهاتكم ومنك نستفيد ...

لولاي اسلي خاطري بالطواريق=يمد الهموم الكايدات اذبحتني
وا قلبي الي جظ بين المعاليق=على هنوفن بالوصل قاطعتني
انا اليا نامت عيون المخاليق=جتني طيوف الزين ثم اسهرتني
اسري اليا نامت عيون المطافيق=ضاري على السجه وياما خذتني
رجلي القفر خالي من المخاليق=بس الهموم بوحدتي بهذلتني
ولأذن صلاة الفجر قبل التشاريق=عادت علي الروح ثم انعشتني
ذي حالتي من دون زيفن وتلفيق=من يوم رحتي والبلاوي لفتني
هو ليه خنتي عهدنا والمواثيق=وانتي على صون الهواء موعدتني
وللحب لذه في قلوب العشاشيق=حسبي على الي بالهواء مسعدتني
ماذقت في درب الهوا مثل ماذيق=غير الشقاء والهم لا ماعطتني
ومن خلقت الدنيا بها دوم تفريق=ماني وحيدن عن هوايه نحتني

سلامتكم,,,

صح لسانك على هالرائعه
بيض الله وجهك

صح بدنك اخوي/ نشمي المطوع
الف شكر على مرورك
ووجهك ابيض
ودمت سالم ..

صح الله لسانك مليون يا مبدع والله لا يهينك

صح لسانك و بيض الله وجهك

صح بدنك عقاب.... ألف شكر على المرور شرفت
صح بدنك فارس عوف ... أثلجت صدري بمرورك شرفت

ـــــــــــ
بدايه القصيده تجذب نابعه من الروح
واتقان جيد للمعاني والترابط
والقافيه صعب مجارتها
وكسرت القاعده
دليل على ابدعك
ــــــــــــــــــ

صميم الذات .... ألف شكر على مرورك
وألف شكر على الاطراء الجميل
والذي يدل على وعيك الشعري
ودمتـــــــــي’’’’

لــولاي اسـلـي خـاطـري بالطـواريـق=يـمـد الهـمـوم الكـايـدات اذبحـتـنـي
وا قلبـي الــي جــظ بـيـن المعالـيـق=عـلـى هنـوفـن بالـوصـل قاطعـتـنـي
انـا الـيـا نـامـت عـيـون المخالـيـق=جتنـي طيـوف الـزيـن ثــم اسهرتـنـي
اسـري اليـا نامـت عـيـون المطافـيـق=ضـاري علـى السجـه ويـامـا خذتـنـي
رجلـي القفـر خـالـي مــن المخالـيـق=بــس الهـمـوم بوحـدتـي بهذلـتـنـي
ولأذن صـلاة الفـجـر قـبـل التشـاريـق=عـادت عـلـي الــروح ثــم انعشتـنـي
ذي حالتـي مــن دون زيـفـن وتلفـيـق=مـن يـوم رحـتـي والـبـلاوي لفتـنـي
هـو ليـه خنـتـي عهـدنـا والمواثـيـق=وانتـي علـى صـون الهـواء موعدتـنـي
وللحـب لـذه فــي قـلـوب العشاشـيـق=حسبـي علـى الـي بالهـواء مسعدتـنـي
ماذقـت فـي درب الهـوا مـثـل مـاذيـق=غـيـر الشـقـاء والـهـم لا ماعطتـنـي
ومـن خلقـت الدنيـا بـهـا دوم تفـريـق=مانـي وحيـدن عـن هوايـه نحتنـي

صح لسانك .. قصيدة رائعة وجميلة ..

بيض الله وجهك.

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك