كلمات من الارشيف، صارت حروف منثر،مايا

كل نجم(ن) ظهر غطته غيمه وغاب= وكل المعاني الاوله صارت حروف منثره
يابنت ابو لبنا خذي وصيه من كتاب = ومن ابوك اللي وفا خذي العلوم ميسره
لايهمك كود ربك وإحسبي ليوم الحساب=وانظري لطيب اصلك كيف الخلايق تنظره
ثقي بربك دائما واللي جاب الله جاب= وان كان النويا كشرت وكاد تبقى مكشره
وثقي بنفسك طيبها وان شعرتي بإرتياب=ولايهمك اي واحد ازعلته الغشمره
واللي يقولك والدك لازم تحسبيله حساب=فيه الاصول مجعمه شخص واحد مكثره
واحد(ن)حاد نظره يعرف طريقه في الضباب=واللي عيونه حوله يشوف الطريق مدوره
واللي في نفسه ثقه ياثق ولوطال الغياب =واللي في نفسه مرض يحسب النفوس مصوره

****************************
****************

الله عليك اليوم مفتون في مايا = وتابع المزيون بالروحه وبالجيا
والناس مفتونه بالسوق ووصايا = ياكود تلقي لها سهم به شيا
تستاهل الحب حلوات الصبايا = ام العيون الدعج والمبسم الضيا
تستاهل الحب على الشرع وهدايا= وابعد عن اللي بعيدات ياخيا
لاتطاوع النفس ترى النفس هوايا = وتصير من ناس بالحب مبليا

مع اطيب التحايا
اخوكم
ابو عبد العزيز

صح فكرك
تقبل اجل تحيه

	المشاركة الأصلية كتبت بواسطة أبوليلى

	صح فكرك تقبل اجل تحيه

وصح بدنك اخي ابو ليلى

شاكر هذه الاطلاله الجميله

وافر احترامي

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

	المشاركة الأصلية كتبت بواسطة الحب الباقي

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

الله يعافيك وصح بدنك مليون

ووجهك ابيض اخي الكريم الحب الباقي

شاكر مرورك الكريم

مع وافر التقدير

صح السانك ولاهنت

قصيده رومانسيه من شاعر رومانسي

لك تحياتي

	المشاركة الأصلية كتبت بواسطة راعــ(البل)ــي

	صح السانك ولاهنت قصيده رومانسيه من شاعر رومانسي لك تحياتي

صح بدنك ولاتهون اخي راعي البل

كلمات دبلوماسيه من رجل دبلوماسي

ولك شكري واحترامي على مرورك الجميل

وثقي بنفسك طيبهـا وان شعرتـي بإرتيـاب
ولايهمـك اي واحـد ازعلـتـه الغشـمـره
واللي يقولك والـدك لازم تحسبيلـه حسـاب
فيه الاصول مجعمه شخـص واحـد مكثـره


يعطيك العافية اخي ابو عبدالعزيز

	المشاركة الأصلية كتبت بواسطة ابو تـــركي

	وثقي بنفسك طيبهـا وان شعرتـي بإرتيـاب ولايهمـك اي واحـد ازعلـتـه الغشـمـره واللي يقولك والـدك لازم تحسبيلـه حسـاب فيه الاصول مجعمه شخـص واحـد مكثـره يعطيك العافية اخي ابو عبدالعزيز

الله يعافيك اخوي ابوتركي

شرفني مرورك الكريم

تحيتي واحترامي

صح لسانك قصيده رائعه