ديوان الشاعر علي الشيخ

.=
.=
يالله وانا عبدك المؤمن وانا المؤتمن=احفظ لساني عن الزلات قبل الوداع
يارب عفوك وغفرانك من الذنب لن=ماعاد بي للشعر قوه ولا أملك متاع
قفلت بابي سنه مير الهواجيس جن=ما قدرت عزلتي والبعد والامتناع
من طيب ذاتي سمعت الطارق وقلت من=قالوا ضيوف ولنا مده طوايا جياع
عهدي بهم حين حطيت القرى والصحن=وسجيت سجة جريح حاوطته السباع
نساني الجرح موضوع الأجل والكفن=وعبرت عما يدور بخاطري باقتناع
كرامة النفس عندي ماتباع بثمن=يوم الكرامات به نوعين منها تباع
كرامة اللي إذا أعطى ضايق الحال من=والثاني اللي عدوينه كريم وشجاع
وجيه بالأقنعة يمكن تغطا زمن=ووجيه والله ما يسترها الغطا والقناع
لا يلحق الكفو والطيب من الوصف ظن=لو كان بيني وبينه حرب والا نزاع
لن الشرف فالخصومه من يعرفه ضمن=ابسط حقوق الرجال وحقه من الضياع

.=
.=
علي الشيخ=
.=
.=
قال انت شاعر قلت مدري ولكن=بيني وبين الشعر اوجه تشابه
يزورني مهموم ضايق محزن=وانا اعرف أسباب الحزن والكآبه
اقلطه ولا اسأله انت من من=اضيّفه وأرعاه وأكرم جنــابه
اهرج معه واسمع ونينه إذا ون=واحاول أواسيه فيما اصابه
سألتني يا صاحبي واحسن الظن=عسى يبو فواز تلقى الإجابه
.=
.=
ابوفواز النويمي=
.=
.=
كلام من شاعر و الابداع له فن=يبين في معناه واضح كتابه
عسى حروفه تسعد القلب لا حن = تبدد احزانه وتبري صوابه
من خيل البارق وشافه ليا عن= لا عاد له عساس يسمع جوابه
وقت تحدى والليالي تمادن=خيم ظلامه كل بارق سرابه
حار المسافر فيه لا شد واظعن =يسير في البيدا ويتبع سرابه
جانا جواب الشيخ من طيب معدن=من زارنا في المنتدى مرحبا به
.=
.=
علي الشيخ=
.=
.=
تبقى تراحيب النشاما تثمن=الذيب ما يكره ملاقى الذيابه
لو السما العالي نجومه تهاون=ما قضته من ضلعه اللي رقابه
رموه بقصار البلاجيك واخطن =حظه كبير وخاب حتى الدعا به
ابشرك لو هو تقـدم به السـن=عـزمه لازال تقول بأول شبابه
ان كان به جرح خطير وتمكن=من مدعين الشعر وأهل الخطابه
.=
.=
ابوفواز النويمي=
.=
.=
جات البشارة والقوافي تضمن=جزل المعاني قلتها بالنيابة
عن موكب الاشعار يا وافي القن=والشعر مقصودة رجال الحزابة
اللي ليا زاروه شاكر وممتن=لعلهم يبقون عزوة ولابة
وعسى خصومه عن طريقة يزولن=من السماء ينزل عليهم شهابه
عساك تسلم والتحايا يدومن =يا راعي التكميل في كل جابة

تفاجئني الأحداث عجله وانا مشغول
مقاديرها لمفاجآتي تولمها
يا كيف اعتذر والعذر عنها ماهو مقبول
وانا ما عرف وشهي لغتها واكلمها
تفاهمت مع حالي لحالي وهل معقول
أجابه صواديف القدر او اسالمها
توكلت بالله واستعنته وحوله حول
يزيد الثقه بالنفس عساي ما اعدمها
وجيت الحفل مدعي لا جاهل ولا مجهول
اكمل مواجيب النشاما وحاتمها
ذيابي طليق حجاج على الكرم مجبول
عتيبه صغر حجم الكرم مع مكارمها

سلامي على العتبان والمحفل المكفول
باسم بن ربيعان الذيابي ومقدمها
سلامي سلامن ما يساويه عرض وطول
سوى ما على وجه الكره من معالمها
على الحفل وأهل الحفل والضيف والمسئول
عن مناسبة بدر الربيعان واختمها
باسم حرب ربعي وان تحدثت ويش اقول
مآثرهم التاريخ سجل قدايمها
يقاسمهم العتبان فيها كرم وفعول
لذا بالتساوي بين الاثنين قسمها

وكلّ القبايل نعم فيها رجال زحول
ومدحي شبابه ما ينقص عزايمها
اقوله وانا مصباحي ومن ثقات عقول
شيوخ كبيرات المهمات تحسمها

لو أن مقصدي كيل المدايح حرام يطول
عن عتيبه الهيلا ولاني بظالمها
تغار القبايل والجبال الثقال تزول
وحتى الدول نسمع بضجة عواصمها
دهاة البشر فالشرق والغرب وإسطنبول
على مالهم صيت العتيبي تقدمها
هذا المختصر ماهو بشرط ابلغ المأمول
لو بخاطري صعبات الأرقام احطمها
طموحي كبير وحافزي ساري المفعول
لكن اسمحولي سمعة القوم تخدمها

بسم من جود العرب من جوده
يعبده ويوحده معبوده
وبسم سيدنا الامين الهادي
مكمل الدين وجميع بنوده

مرحبا بسمي وانا مصباحي
من ذوي عبدالعزيز جدوده
المراجل ورعنا يحفظها
حفظ مسلم ما يخون عهوده

عزوتي حرب الكيان الشامخ
مالكين امجاد لا محدوده
عقب رويس الضعيف وخله
ينتقد ما همنا منقوده

عندنا سموا القبايل واجد
والحفل سجادة ممدوده
وكيف هيل وبن والمردومه
بالشحم كرامة معهوده

عندنا العصوان نعم اللابه
من سليم وروسها المعدودة
الصدور الهم محل يرحب
اوسع من ارض الوطن بحدوده

فكرة الشاعر وليدة موقف
والنوادر شرد مفقوده
يابراهيم ان دعانا الداعي
في لزومك عدها موجوده

لا حنى راس القصيد الواجب
يكبر بعيني وافك قيوده
ولا عرض كونت لي منقيه
فاخره من حقه ومفروده

النظر مثل السلام يفك باب
ياسلام الله سلام لكل جيل
من نبي الله سليمان الحساب
لا زمنا اليوم والمسرى طويل
شاهدي دعوة نبي مستجاب
انعطى ملك لغيره يستحيل
كان ودي لو يوم بشهر آب
امتلك عشره من الوزن الثقيل
لو بعدها ألقى مشاريه وعتاب
المهم تنفذ امري يا عقيل

انحتوا مبروك في كبد السحاب
كل حرف بطول ميل وعرض ميل
ونزلوا من كل حرف للتراب
اعمده من نور في حفلة دخيل
برمجوها لا وقف والقى خطاب
تنسكب سمن وعسل صافي يسيل
لا تقولون أسرف الشاعر وغاب
في خيالاته وجاب المستحيل
اعلموا تراي ما دقيت باب
اطلب العالم كثير ولا قليل
اقدح من الموهبه عود الثقاب
ويشتعل من قدحته راس الفتيل

لا مدحت امدح عزيزين الجناب
لا ضعيف ولا ذليل ولا كليل
اكرم من الشمس قدام الغياب
وأبخل من الليل عن مدح البخيل
وانت يا نواف ذيب من الذياب
مثل ابوك اتعب مدورة الجميل
طوق بمعروفة رقاب ورقاب
شفت شوف العين ما احتاج لدليل
وربعك تدوس المخاطر ما تهاب
حولهم ما للردى والله مقيل
اعتقد ما قلت شي إلا الصواب
المزايا سيل ضاق ابها المسيل
ويومني ما أسهبت ماهو بانسحاب
الشعر في طاعتي مرغم ذليل

سلام في حضرة معازيب واجناب
سنة نبي الله وصحبه وآله
صلوا عليه وكثرو يهل الالباب
ما قاد نو وما تفرق خياله
الحفل حفل رجال عربين الانساب
آلاد مزروع الاصل والاصاله
اهل الشجاعه والمبادئ والآداب
اهل الكرم واهل الشعر والجزاله
صغيرهم من تو للنار شباب
وكبيرهم للظيف يذبح حلاله
وفقيرهم لو ما يجد حق جلباب
تلقاه كامل في علوم الرجاله
ميزاتهم يا كثرها مير الاسهاب
يحول بيوت القصيده مقاله

حبيت اشاركهم وابارك للاصحاب
الله يجملني مع اهل الجماله
جيره ورفقه لا تحزب ولا احزاب
ولا تغيرنا الظروف استحاله
اطلب يبو احمد ومطلوبك مجاب
مطلوبك امر اجابته في سؤاله

قلته وانا من ساس فكاكة انشاب
افخر بهم والمدح نعرف مجاله
ربعي مصابيح الوغى عكف الاشناب
قناية البلجيك وابو محاله
بافعالهم واموالهم تعتق رقاب
وافكارهم ما حيرتها اي قاله
وكل القبايل نعم حضار غياب
من باب الإنصاف وبحكم العداله

الشاعر العاقل مع حفظ الالقاب
يحاول يوصل بشعره رساله
واللي يبا السمعه ونظرات الاعجاب
اما خسر يبقى على راس ماله
كم مات شعر وشاعره فوق الاعتاب
تعدد الاسباب والموت حاله

قضى اللزوم وخاطر الشعر ماطاب
هلحين ابرخصله وابطلق عقاله
قلت الوعد ما بيننا راس مرقاب
اشارته نار حطبها جلاله
نقوة سمر ما ناشها فاس حطاب
عود لامن النار زاد اشتعاله
قند لنا كيف من البن يا ذياب
بهاره من الهيل سنة بياله
فنجاله يكيف خوى راس منصاب
حفه زمانه واسرفت به لياله
عود من الضرمه تقل عنده اعصاب
لا شم ريح مهيل في دلاله
نذر علي لو ما اجعل الشعر جذاب
لفارقه واقول مالي وماله
تمت وخير القول ما لذ وطاب
اسمع سمانه لا تسمع هزاله
تمت وحنا ما وقفنا على باب
الا ببابك ياعزيز الجلاله
نطلب رضى وجهك وناخذ بالاسباب
ونهني ابو احمد بفرحة عياله

خانتني الهقوات كم مره
وتركتها خلفي تعد خطاي
واصلت مسرايه على قره
وجريت موالي على معناي
حتى ان نهاري مسني حره
ضيعت مفعوله على مركاي
كان الجبل يشره على الحره
اشره على من قال لي باي باي
صبر الزمن خيره على شره
اقل من صبري على بلواي

الظروف تبعثر اافكارنا عبر الفضا
نفقد الافكار وظروفنا ترجع الينا
لا جحدنا ضيقة الصدر واظهرنا الرضا
قالوا الحساد وشلون منها ما اشتكينا
كم دعسنا ياخليفه على جمر الغضا
كم تحملنا حماقة نفوس ماتبينا
كم صبرنا واعتبرنا مواجهة العضا
من لوازمنا المهمه تجاه الاقربينا
نعتبر زود التغاضي قدر والا قضى
مانخلي فرصة للعدا تنقد علينا
والا انا اقدر يا خليفه اولعها لضى
ثم يرضخ كل عاصي وقاسيها يلينا
القريحه حركت سالفه مما مضى
قلت انصيها ابو احمد كبير الفاهمينا

ما كل ما نكتب مشاعر واحاسيس
احيان عكس اللي نحسه نعبر
قريحة الشاعر مناخ وتضاريس
وظروفه تكسر وفكره يجبر
ومتابعينه مثل ركاب الاتبيس
لا غادروا ما جاك عنهم مخبر

طبيعي يوم اعبر عن حدث منشور بالإعلام
واحط ملاحظاتي وانتقد واستخدم حقوقي
وطبيعي يوم أغير وجهتي خوفا من الالغام
ماني مجبور عكس الريح أسير وعجها فوقي
لكن اللي ماهو والله طبيعي سوء الاستخدام
تعبَّث بالسلاح اللي تفجر واحرق السوقي
يا ريس محكمة مصر الجديده حضر الأخصام
وأخذ منهم إفاده واستمع قولي ومنطوقي
ملفات القضيه كامله مع بصمة الإبهام
حفظها الريس المزعوم من زهده بصندوقي
وانا ادري ان ميزان العداله كل ابوه اوهام
ولا له غير كفـه وحده والقـاع مشقوقي
لذا يا أكبر طموحاتي وداعا والوعد قدام
وانا لا قلت ما في خاطري قفلت طاروقي