عندي لكم أبيات فيها شيء من العبرة والفكاهه

السلام عليكم ورحمة الله وبركاته
🍃🍃🍃🍃🍃🍃🍃🍃🍃🍃🍃🍃

دنياًً حياها من حلاها تغشَّتك
الله يعين اللي بها من دراويش

أسواقها لو معك قرشيْن رشّتك
لِعبة هواميرٍٍ بِسوق المغاشيش

غصبٍٍ على كف المقادير مشَّتك
لوكنت أسد غابات وأدغال حتيش

شِبهاتها في تالي الوقت ناشَتْك
ومدوِّرين العيش معكم معاويش

تواصوا في سرقة حلالك وغشَّتك
سماسرتها ياكلون البخاشيش

إن لم تكن ( ذئباًً ) تراها تعشّتك
وأصبحت بحلوق الضواري عراميش

والاَّ على طيْش البحر ذاك طشَّتك
في بطن هامورٍٍ تجي له قراميش

تنفش بريشك وانت ماشفت كِشَّتك
وإخطاك ما راحت بعيد المطاريش

أخاف تِظهر لَلَّواهيب خِشَّتك
وتروح شربه للكبود المعاطيش

وانكان هذي يااشقر الريش عِيشتك
إطلع مواكير العِلا يا أشقر الريش

وخالقْك رب العرش يكفل معيشتك
تبقى على روس المشاريف وتعيش

.. ابوفيصل ..

عليكم السلام ورحمة الله وبركاتة
غصبن على كف المقادير مشتك
لو كنت أسد غابات وأدغال حتيش
لافظ فوك صح لسانك وسلم بناتك
تحياتي

وعليك السلام ورحمة الله وبركاته
صح لسانك ياابو فيصل
ابدعت بكل معنى الابداع

صح بدنك ياالبيرق تسلم

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة حسيـن

	وعليك السلام ورحمة الله وبركاته صح لسانك ياابو فيصل ابدعت بكل معنى الابداع

ياهلا بالصاحب .صح الله بدنك.
مانجي الا بعدكم لاخلا ولاعدم

ياهلا ابن غانم صح الله بدنك
تسلم ولاتهون .الله يحفظك

الحب الباقي مرحبا وصح الله بدنك
تسلم الله يعافيك