يامرحبا ترحيبتن شانها شان

*يامرحبا ترحيبتن شانها شان*
*بحفاد مسلط طيبين القبالي*

*راعي طلال وراعي السيف شامان*
*فارس وشيخ وطيب راس وكمالي*

*رحل وخلف طيب سمعه وشجعان*
*متوارثين الطيب باول وتالي*

*شيوخ ساس شيوخ من ماض الازمان*
*كلام ماحوله سمعنا جدالي*

*حي الشيوخ اللي لهم قدر ماهان*
*ضيوفنا الغالين بحلال غالي*

*نايف زبون الكايده طير حوران*
*قرمن يحل معقدات الحبالي*

*وتركي وسبع انعام من قلب ولسان*
*يذكر ويشكر كان جاله مجالي*

*من لابتن يوم انها سرج وعنان*
*عوق العديم بمرهفات السلالي*

*عتيبه الهيلا طويلين الايمان*
*لطامة العايل زحول الرجالي*

*ذباحة الحايل ثقيلين الاوزان*
*يثنون دون البل نهار القتالي*

*وببيوتهم للضيف منسف وصفطان*
*وحلو النبا ومبهرات الدلالي*

*قبل الامان يعم في كل الاوطان*
*وقت السنين اشحاح والجيب خالي*

*قلت الصحيح وزايد القول نقصان*
*وهرجن بلا معنى نقاد وخمالي*

*يامعزب الضيفان يانسل سمران*
*ياحمد عوض سمران قرم العيالي*

*قال المثل من يكرم اضيوفه امعان*
*ياعل ماتفاجيك سود الليالي*

*ماقل دل ومثمرة خضر الاغصان*
*صلو علی المختار راع العدالي*