ياصاحبي

ياصاحبي ماني براعي قطاعه

حظر التجول حال بينك وبيني

الوقت ضيق والاوامر مطاعه

نكسب بها ثنتين دنيا وديني

عذري سمين وخل عندك قناعه

لاتصيرلي من جملت الشامتيني


*************************
الا ياوجد حالي وجد ابو مشعل على المرواح

جميع دروب طيبه قفلت من دون ورعانه

دوامه في تبوك وكل مناحة حمامه ناح

على شوف الديار اللي غلاها دم شريانه

وجودي وجد حاله كل مابرق السحابه لاح

بعد حظر التجول ماقدر اصل حد، ودانه

الله يرفع الغمة وتكون الحال مثل الماضي وافضل
ويجمع ابو مشعل وكل غائب مع اسرته واحبابه
وصح السانك يابو تركي على الابداع واتقان التصوير ومواكبة الاحداث بكل جمال

	المشاركة الأصلية كتبت بواسطة حسيـن

	الله يرفع الغمة وتكون الحال مثل الماضي وافضل ويجمع ابو مشعل وكل غائب مع اسرته واحبابه وصح السانك يابو تركي على الابداع واتقان التصوير ومواكبة الاحداث بكل جمال

صح بدنك
شهاده وسام على صدري

صح السانك ياسعد جت قصيدتك
في الوقت المناسب وتكلمت بحرفنه
عن حديث الساعه ولابعدالضيق
الاالفرج ان شاالله تعالى دمت باخير

	المشاركة الأصلية كتبت بواسطة محمدالعيسى

	صح السانك ياسعد جت قصيدتك في الوقت المناسب وتكلمت بحرفنه عن حديث الساعه ولابعدالضيق الاالفرج ان شاالله تعالى دمت باخير

صح بدنك وعتلا شانك
شهاده اعتز فيها

صحت السنتكم
والله يـعـطـيـكم الـعـافيـــــــــــة
بيض الله وجيهكم

الحب الباقي
صح بدنك يابن العم

صحــت السنتكــم
دمتم برعاية الله وحفظة