( مفهوم الأناقه)

يوضّح شاعر وعنده لباقه
بنظم الشّعر مفهوم الأناقه
لأن البعض يخطي معرفتها
يبيّنها كفو واسع نطاقه
أهم انقاطها هي النّظافه
ورُقّي الذّوق هو ساس العلاقه
ولِبسَ ألوان تضبط مع بعضها
كما لوحه وتُرسم بالرّواقه
يشدّ العين ماينصع ويزها
مثل ماتعجب النّاس الرّشاقه
وبشره ناظره واسنان تلمع
وشعر ممشوط ماتعيبه حلاقه
وعطر يبيّن احساسك بذاتك
يشابه ورد يُهدونه فباقه
وحِذا مايشوّهه ماساء دربك
وترى الذوّاق مايحقر رفاقه
وماهو شرط تشري كُلّ غالي
إذنّه كان مالك فيه طاقه
تراه الذّوق يفرض جاذيّه
وينبي بالمهابه والعراقه
ومع التّرتيب تحلا كُلّ حاجه
ثقافه فهلها نبذ الحماقه
وسلوك امهذّب ويرقى بلفظك
وهذا اللي به تدوم الصّداقه
شرحت اللي بغيته فالقصيده
مُبيّن فيه مفهوم الأناقه

الشّاعر/ خالد بن عبيد بن معتوق الأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك ابداع وتميز

صح لسانك
..
..
أسجل اعجابي بالقصيدة
..
ويعطيك العافيه ..